Македонија е подготвена за најважниот натпревар на ЕП. Македонија, од 15 чадот ќе игра против Украина. Ова е дуел на селекции кои беа поразени во првото коло.

Селекторот Ангеловски истакна дека тимот е подготвен за она што следува за најважниот меч кој веројатно оваа генерација ќе го игра.

„Најважната лекција е дека повторно веруваме дека имаме квалитет, затоа што до 80. минута имавме активен резултат против Австрија. Не се браневме, не игравме бункер дури имавме и ситуации да поведеме. Сепак, тоа не успеавме да го направиме, примивме гол по пад на концентрација. Сепак, следува меч со Украина, мислам дека имаме ситуација во која можеме да се поправиме на резулттски план“.

„Дојдовме на ЕУРО со цел да се пласираме во втората фаза и таа фаза за нас е активна. Имаме пред нас ривал кој исто така има нула бодови, што значи дека ова за нас е финале. И да не успееме нема да биде трагедија, а нормално дека ќе дадеме се од себе. Украинците се квалитетни, тоа го покажаа и против Холандија. Имаат одлични индивидуалци, но и ние имаме квалитет и покажавме дека можеме да се носиме со сите“.

Без најдобриот играч, Каваи Ленард, кошаркарите на Лос Анџелес Клиперс, направија брејк во Солт Лејк сити и поведиа во серијата против Јута Џез со 3:2.

Клиперси славеа со 119:111, откако во првото полувреме ја преживеаја „рафалната стрелба“ на „џезерите“. Играчите на Јута, во првото полувреме постигнаа 17 тројки. Најмногу се истакна Бојан Богдановиќ, хрватскиот репрезентативец погоди шест тројки од исто толку обиди, а на крајот беше најефикасен кај Јута со 32 поени.

Клиперси ги предводеше Пол Џорџ со 37 поени, 16 скокови и пет асистенции, Маркус Морис постигна 25, а Реџи Џексон 21 поени.

Покрај Богдановиќ кај Јута се истакнаа Донован Мичел со 21, односно Руди Гобер со 17 поени и 10 скокови.



Селекторот на фудбалската репрезентација на Белгија, Роберто Маринез, потврдил дека Кевин Де Брујне ќе биде подготвен да настапи на натпреварот со Белгија.

Фудбалерот на Манчестер сити, го пропушти првиот меч на ЕУРО, поради повреда, која ја заработи во финалето во Лигата на шампионите.

Според селекторот, Де Брујне, ќе добие шанса во второто полувреме.

„Тој е подготвен, доби зелено светло од лекарите. Прашање е само колку Кевин може да игра и како да го искористиме два пати во пет дена за да дојде до оптималната физичка форма. Во иста ситуација се наоѓа и Аксел Витсел, а нешто поинаква е ситуацијата со Еден Азар, бидејќи тој настапи и во пријателскиот меч против Хрватска, а играше и против Русија.

Белгија, од 18 часот, ќе гостува во Копенхаген во натпревар од второто коло, во Б-групата.