Спорт
Монтеѕемоло: Фетел никогаш нема да биде како Шумахер
Поранешниот претседател на Ферари, Лука ди Монтеѕемоло беше човекот кој го „натера“ Себастијан Фетел да потпише со Скудерија во 2015 година, но сега се сомнева дали Германецот ја има потребната ментална сила потребна за освојување на титули.
Со четири титули зад себе, од Фетел се очекуваше многу во Ферари, посебно бидејќи тој е вториот Германец по неговиот херој Михаел Шумахер кој дојде во Маранело во период на „обнова“ на тимот. Но, досега, за разлика од Шуми, Фетел успева да ги освојува само вторите места со црвениот болид, откако лани ја пропушти најдобрата шанса поради низа грешки.
Монтеѕемоло вели дека Фетел никогаш нема да го стигне Шумахер, бидејќи нема доволно ментална сила.
„Однадвор, моето чувство е такво, иако честопати грешиш кога гледаш однадвор. Тој е брз, пријатен како личност, го сака Ферари, ја знае одговорноста.Но, понекогаш му недостасува сила“, вели Италијанецот во интервју за официјалниот веб-сајт на Ф1.
Монтеѕемоло, исто така, не беше воодушевен ниту од претходникот на Фетел, Фернандо Алонсо.
„Да бидам искрен, тој немаше среќа – беше во Ферари кога Ред бул беа многу доминантни. Тој ја загуби титулата во Бразил во 2012, кога Себастијан во првиот круг се судри со Бруно Сена, или во 2010 кога тимот направи голема грешка а му требаше само четврто место за титулата. Но, тука е и неговиот карактер. За разлика од Михаел, но и Ники Лауда, тој беше Алонсо, не Алонсо со Ферари. Кога ќе победуваше беше среќен, кога не, тогаш има проблем во тимот. Лесно е да си близок со тимот кога победуваш“, додава Монтеѕемоло.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…