Спорт
Монтеѕемоло: Шумахер и Сена не би можеле заедно во Ферари
Поставувањето на Аиртон Сена и Михаел Шумахер во Ферари можеби би било остварување на сонот на Ф1 фановите, но тоа би предизвикало само проблеми, вели поранешниот претседател на Ферари, Лука ди Монтеѕемоло.
Во едно од најпопуларните „што би било“ сценарија во Формула 1, јавно беше познато дека трикратниот шампион Аиртон Сена сакал да ја заврши кариерата во Ферари пред неговата трагична смрт на Сан Марино ГП во 1994 година.
„Тој дојде кај мене во Болоња во средата пред трагичниот викенд во Имола. Ми кажа дека сака да се трка во Ферари по секоја цена и дека сака да си оди од Вилијамс. Планот беше да разговараме по Имола. Тогаш се случи тоа што се случи“, вели Монтеѕемоло за „Скај спорт Италија“.
Кога загина, Сена ја возеше само својата трета трка за Вилијамс по трансферот од Мекларен, а неговиот нов тим не успеваше да ги реши проблемите со болидот. Од друга страна истата сезона, Шумахер ја имаше својата прва шампионска сезона со Бенетон, круна која ја одбрани во 1995 година, пред во 1996 година да направи трансфер во Ферари.
Сепак, Монтеѕемоло не верува дека двајцата би се согласувале во тимот.
„Тоа е убав сон, но мислам дека со таков потег би се самоуништиле. Тоа ќе беше голем хит кај фановите, но не и добро за Ферари. Со две ѕвезди заедно не победуваш“, инсистира Монтеѕемоло.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.