Спорт
Мората е во Торино ќе потпише со Јувентус
Алваро Мората денес треба да го стави својот потпис на договорот со Јувентус. Напаѓачот го пропушти последниот тренинг на Атлетико Мадрид, синоќа пристигнал во Торино, а откако ќе ги мине лекарските прегледи ќе го потпише договорот. Неговиот потпис ќе го отвори трансферот на Луис Суарез од Барселона во Атлетико.
Мората оваа сезона ќе настапува како позајмен играч во Јувентус. „Старата дама“ позајмицата ќе ја чини 10.000.000 евра, а на крајот од сезоната ќе може да го откупи неговиот договор за 45.000.000 евра. Исто така во договорот постои опција и во втората сезона Мората да настапува како позајмен играч за 10.000 евра, а по таа сезона Јувентус да доплати 35.000.000 за откуп на договорот.
? Ciao @AlvaroMorata! ❤️ pic.twitter.com/fTgGqQOzyD
— JuventusFC (@juventusfc) September 21, 2020
Заминувањето на Мората отвори место во Атлетико за Луис Суарез. Уругваецот кој стана вишок во Барселона постигнал договор со клубот од „Ноу Камп“ под кои услови може да замине. Барса ќе му исплатат дел од платата која требаше да ја заработи оваа сезона. Суарез со Атлетико договорил две годишен договор вреден 9.000.000 евра по сезона.
Најголем губитник во целата оваа приказна е Един Џеко од Рома. Репрезентативецот на Босна и Херцеговина ќе остане во Рим, бидејќи Аркадиуш Милик најверојатно ќе се пресели во Тотенхем, што значи дека Џеко не може да замине во Јувентус.
Алваро Мората доаѓа во Јуветус на барање на тренерот Андреа Пирло. Тие играа заедно во Јувентус во периодот од 2014 до 2016 година. Во овој период Мората одиграл 53 натпревари и постигнал 27 голови. Престојот во Јувентус е најдобриот период во кариерата на шпанскиот напаѓач.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ѓоковиќ: Сакам да учествувам и на ОИ во 2028 година
Новак Ѓоковиќ го искористи петтото прогласување за најдобар спортист на планетата за да ги открие своите идни планови.
Српскиот тенисер, на новинарите во Мадрид им откри дека се ште не размислува за пензионирање.
„Мојата најважна цел годинава е златен медал на Олимписките игри во Париз. Верувам дека е можно, да не верувам, немаше ни да играм. Секогаш мора да верувате дека се е можно во животот. Којзнае дали повторно ќе имам таква шанса. Сакам да учествувам на Игрите во Лос Анџелес во 2028 година, но никогаш не се знае што ќе се случи.
Тој објасни и зошто решил да не игра на Мастерсот во Мадрид.
„Го подготвувам своето тело за Ролан Гарос, Вимблдон, Игрите и Ју-ес Опен и овој период е исклучително важен за мене. Планирам за две недели да учествувам на Мастерсот во Рим. Се надевам дека следната година ќе играм во Мадрид. Сè уште сум млад, ми останува уште многу време за игра“, се пошегува Ѓоковиќ, кој за околу еден месец полни 37 години.
Спорт
Крај на сезоната за Де Јонг
Фудбалерот на Барселона Френки де Јонг го повреди скочниот зглоб на натпреварот против Реал Мадрид. Холанѓанецот во финишот на првото полувреме, со помош на лекарскиот тим го напушти теренот.
Барселона ја потврди повредата на Де Јонг без да прецизира колку време ќе биде надвор од терените.
Каталонските медиуми објавија дека Холанѓанецот ќе отсуствува пет недели, што значи дека оваа сезона за него заврши.
Според истите извори, 26-годишниот холандски репрезентативец би требало да биде подготвен за Европското првенство кое е закажано од 14 јуни до 14 јули.
Холандија на ЕП ќе игра во групата Д со Франција, Полска и Австрија.
Спорт
(Видео) Филаделфија за 30 секунди испушти +5 – Њујорк во серијата води со 2:0
Њујорк Никс во нестварна завршница успеаја да ја совладаат Филаделфија со 104:101 и поведоа со 2-0 во серијата.
На Филаделфија не и помогна тоа што имаа водство од 101:96 на 30 секунди пред крајот на четвртата четвртина… Сепак, тогаш Брансон погоди тројка од дриблинг, а во следниот напад Донте ДиВинченцо покажа зошто тој е еден од најдобрите шутери во оваа сезона во НБА и тој погоди тројка.
На крајот, Тајрис Макси промаши, а Оу-Џи Ануноби од линијата за слободни фрлања го постави конечниот резултат 104:101. Џоел Ембид се обиде во последната секунда од тешка позиција, но не успеа да му донесе продолжение на својот тим.
Во демонстрација на физички напорна кошарка, која често недостасува во текот на регуларниот дел, беа забележани многу дуели кои беа полни со физички контакти.
Според американските медиуми, Сиксерси не биле задоволни од судењето, па ќе поднесат официјална жалба до раководството на НБА.
Џејлен Брунсон беше најефикасен кај победниците со 24 поени, но со очаен шут од поле – 8/29. Тој забележа и осум скока и шес асистенции. Џош Харт ги одигра сите 48 минути за тимот на Том Тибодо и за тоа време забележа 21 поен (7/16 од поле), 15 скока и три асистенции.
Донте ДиВинченцо додаде 19, Ајзеаа Хартенштајн 14, а Оу-Џи Ануноби 10 поени во тимот за кој, да потсетиме, поради повреда не настапува Џулиус Рендл.
Филаделфија го доби во нападот она што го бара од двајцата најдобри играчи, но целосно потфрли остатокот од екипата. Тајрис Максинатпреварот го заврши со 35 поени (12/22 од поле), девет скока и 10 асистенции.
Џоел Ембид одигра 39 минути и покрај тоа што се уште не е целосно закрепнат од повредата на коленото и имаше 34 поени (12/29 од поле, 8/12 слободни фрлања), 10 скока и шест асистенции.