Спорт
Морено сака да се смири со Енрике: Од него научив многу и чувствувам само благодарност
Новиот тренер на Монако, Роберт Морено не можеше да ги избегне прашањата за својот однос со шпанскиот селектор Луис Енрике при промоцијата во клубот од кнежевството, но прати порака за смирување со својот поранешен ментор.
Морено беше помошник на Енрике на клупата на шпанската репрезентација, но кога на Енрике му се разболе малата ќерка и се повлече од националниот тим, Морено беше поставен за негова замена. Сепак, по враќањето на Енрике во ноември, Морено доби отказ од Шпанската федерација и влезе во војна на зборови со Енрике. Сега, ситуацијата е смирена
„Поминав девет прекрасни години покрај Луис Енрике и за тоа чувствувам само благодарност. Тоа што се случи пред неколку недели веќе е во минатото. Тренер сум веќе 28 години и сега е важно што ќе направам во овој клуб. Минатото е тука, но да го оставиме“, вели Морено.
42-годишниот стратег најави дека ќе научи француски што е можно побргу за да може да ги пренесе своите идеи.
„Се работи за респектирање на културата. Важно е да имам комуникација со фудбалерите. Системот кој ќе го играме не е важен, дали се работи за 4-4-2 или нешто друго. Фудбалот е компликувана игра и секогаш има некоја нова тактика“, додава Шпанецот.
Морено се чувствува предаден од „грдите“ коментари на Луис Енрике
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баер Леверкузен ја одреди цената за Флоријан Вирц
Баер Леверкузен ја одреди цената за еден од своите најдобри играчи, Флоријан Вирц.
„Фармацевтите“, на пет кола до крајот и математички ја обезбедија првата титула во клупската историја. До крајот на сезоната ќе се борат за трофеите во Купот на Германија и Лига Европа.
Еден од најталентирани играчи во светот, Вирц, во досегашниот тек од сезоната има учинок од 17 гола и забележа 18 асистенции.
Интерес за неговите услуги покажале Реал Мадрид, Манчестер Сити, Ливерпул…
Сепак, во Леверкузен не размислуваат да се откажат од него. Доколку пак тоа се случи, клубот ќе ја наполни клупската каса од неговиот трансфер.
„Имаме двојно помал буџет од Дортмунд, и пет пати помал буџет од Баерн. Немаме толку моќни спонзори и јасно е дека мора да живееме од продажбата на фудбалери. Вирц е наш лидер на теренот, но се си има своја цена. Ако некој понуди 150 милиони евра или повеќе, можеме да разговараме“, изјави Фернандо Каро, извршен директор на Баер Леверкузен.
Спорт
Врие во Барселона, Чави го откажал денешниот тренинг
Тренерот на Барселона Чави Ернандез го откажал денешниот тренинг. Шпанските медиуми пишуваат дека елиминацијата од ПСЖ во четвртфиналето на Лигата на шампионите предизвикала сериозни потреси во клубот.
На тренингот се појавиле само капитенот Серхио Роберто, Педри и Гави кој се опоравува од повредата на коленото.
Атмосферата е лоша, а тензиите се зголемија по изјавите на Илкај Гиндоан. Германскиот репрезентативец отворено критикуваше неколку соиграчи за лошите одлуки во текот на реваншот со ПСЖ.
„Силна е поделбата во соблекувалната по изјавите на Гундоган“, пишува „АС“.
Чави заедно со членовите на стручниот штаб решија да ии дадат слободен ден на фудбалерите, поради што и го откажале денешниот тренинг.
Барселона, викендов, ја очекува Ел Класико, в недела од 21:00 часот во Мадрид.
До крајот на првенството остануваат уште седум натпревари, а на табелата води Реал со осум бодови повеќе од Барселона.
Да потсетиме, Чави следната недела треба да разговара со претседателот Џоан Лапорта, доколку не добие ветувања дека ќе му ги добие засилувања во летниот преоден рок, тој на 1.јули ќе го напушти клубот.
Спорт
Обезбедувањето го спасило Мбапе од бесните играчи на Барселона
Шпанските медиуми пренесуваат дека по реваншот од четвртфиналето на Лигата на шампионите, во кој ПСЖ победи гостувањето кај Барселона (4:1), Килијан Мбапе предизвикал сериозен инцидент.
Мбапе, кој веројатно ги игра последните натпревари за ПСЖ по натпреварт имал „блиска средаб“ со играчите на Барселона.
Според информациите на шпанските медиуми, Мбапе еуфорично ја прославил победата на ПСЖ извикувајќи: „ова е фудбал, ние зборуваме на теренот“, што некои играчи на Барселона го сфатиле како провокација.
Неколку луѓе од обезбедувањето и луѓето од двата клуба спречиле неколку играчи на Барса кои се упатиле кон Мбапе.
ПСЖ за финалето ќе игра против Борусија Дортмунд.
🚨 Ce geste de Kylian Mbappé aurait rendu furieux certains joueurs du Barça après le match.
Le Français aurait déclaré : « c’est le football et c’est sur le terrain qu’il faut parler. »
— BeFootball (@_BeFootball) April 18, 2024