Спорт
Може ли коронавирусот да го загрози ЕП?
Серхио Бускетс и Диего Љоренте од Шпанија, односно Дејан Кулушевски од Шведска, ќе го пропуштат меѓусебниот дуел на овие репрезентации, поради коронавирусот. Бускетс доби позитивен тест во неделата, а Љоренте и Кулушевски синоќа.
Во момент кога пандемијата во Европа се уште е под контрола, 24 репрезентации, во 11 градови, ќе се борат за трофејот на Европското првенство. Јавноста со право стравува дека вирусот би можел да се рашири во репрезентациите учеснички на ЕУРО 2020.
Стравот го зголемува и фактот дека на натпреварите ќе има публика.
Какви се правилата на УЕФА, во случај на потенцијална зараза?
1. Доколку еден или повеќе играчи бидат позитивни на коронавирусот, ќе бидат изолирани. Планираниот натпревар на таа репрезентација ќе започне во предвидениот термин доколку селекторот на располагање има најмалку 13 фудбалери. Не е прецизирано, дали еден од тие 13 играчи мора да биде голман.
2. Доколку националниот Сојуз не може да испрати на тереното минимален број на играчи, доколку е можно, натпреварот ќе биде одложен за 48 часа. УЕФА може да го смени и стадионот каде е предвидено да се одигра тој натпревар.
3. Доколку натпреварот не може да биде одложен, тогаш ќе одлука носи Дисциплинското и етичкото тело на УЕФА. УЕФА ќе реши дали неодиграниот натпревар ќе биде регистриран со резултат 3:0 за репрезентацијата која не погодена со коронавирусот.
4. Доколку член на судискиот тим биде позитивен на коронавирусот, тогаш УЕФА може да именува замена која ќе биде од неговата земја, но и да одреди судија од тимот кој е предвиден да суди на тој натпревар.
ЕУРО 2020, ќе започне во петок, во Рим, со натпреварот помеѓу Италија и Турција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.
Спорт
Ливерпул замената за Клоп ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.