Спорт
Му пресуди кавгата со Меси – Барселона го отпушти Абидал
Еден ден откако Кике Сетиен беше отпуштен од позицијата тренер на Барселона, денеска од каталонскиот клуб продолжија со чистката по срамниот 8:2 пораз од Баерн Минхен отпуштајќи го спортскиот директор на клубот, поранешниот фудбалер Ерик Абидал.
„Барселона и Ерик Абидал се согласија за прекин на договорот. Клубот сака да му се заблагодари на Ерик за професионалноста, посветноста и за позитивната енергија што ја донесе во семејството на Блауграна“, се вели во соопштението на клубот.
Французинот беше цел на капитенот Лионел Меси кога изјави дека фудбалерите не работат напорно по отпуштањето на Ернесто Валверде на почетокот на годината. Меси тогаш јавно побара од Абидал да ги каже имињата и посочи дека не е фер да се повикуваат фудбалерите за сите проблеми во клубот.
Се верува дека овој потег на Барселона е направен за да му се угоди на Меси, особено по шпекулациите дека Аргентинецот го планира незамисливото за фановите на Блауграна – да замине од клубот во кој игра цела кариера.
Сепак, според некои од навивачите на Барса, ова не е доволно и мора да се почне од претседателот на клубот, Жозеп Марија Бартомеу, кој најави нови избори во март 2021 година. Бартомеу беше одговорен за низата скапи засилувања на тимот – Усман Дембеле, Филипе Кутињо и Антоан Гризман, кои не го донесоа потребното на теренот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.