Спорт
„Мундо Депортиво“ тврди – Олмо ќе се пресели во Лајпциг?
Иако се уште е играч на Динамо Загреб, шпанскиот фудбалски репрезентативец, Дани Олмо нема уште долго да остане во главниот град на Хрватска.
Според пишувањата на шпански „Мундо Депортиво“, наводно Динамо е блиску до договор со Лајпциг за трансфер на Шпанецот во моментно водечката екипа во Бундеслигата.
„Како што знаеме, Динамо му понудил продолжување на договорот на Олмо, но Шпанецот тоа не го прифатил, одлучен е да го напушти првакот на Хрватска за да се развива во посилен клуб. Лајпциг го гледа како идеална дестинација затоа што екипата преферира напаѓачка игра. Покрај тоа Лајпциг ќе игра осминафинале во ЛШ“ – пишува „Мундо“.
За потсетување, минатата недела на големо се пишуваше за трансфер на Олмо во калчолигашот Милан, но на крај, се чини не дошло до договор затоа што агентите на шпанскиот фудбалер побарале 7 милиони евра провизија.
„Скај спорт“ пишува дека спортскиот директор на „росонерите“, Звонимир Бобан не сака да даде повеќе од 20 милиони евра за Шпанецот.
Олмо и сезонава е најдобриот играч во таборот на „модрите“. Договорот со Динамо му е до летото 2021 година.
За услугите на Олмо беше заинтересирана и Барселона, но сега младиот фудбалер не е приоритет за Каталонците. Главоболка на Управата на клубот е да се пронајде замена во нападот за повредениот Луис Суарез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.