Човекот кој крена 501 килограм откако стана славен како „Планината“ во „Игра на тронови“, исландскиот „силен човек“ Хафтор Бјорнсон ќе го има своето боксерско деби во сабота, и тоа против искусниот професионалец Стивен Ворд, кој ќе тежи 60 килограми помалку од него.

Со фантастични 156 килограми, Исланѓанецот ќе влезе во рингот во „Конрад“ во Дубаи против поранешниот шампион во средно-тешка категорија, кој е 58 килограми полесен од него (98 кг). Ова треба да биде прва подготовка за Бјорнсон во боксерскиот ринг пред најавениот мега-меч со стариот ривал Еди Хол во септември следната година.

„Беше фантастично да се фокусираш на боксот. Да му дадам на телото пауза од тежината. Бев блиску до 200 килограми речиси цела деценија и тоа не е здраво за твоето тело на долги патеки, затоа решив да влезам во нов предизвик“, вели Бјорнсон.

Досега, најтежок боксер кој имал професионален меч е рускиот „ѕвер“ Николај Валуев, кој во 2009 година пред последниот меч тежеше 149 килограми.

 

View this post on Instagram

 

A post shared by MTK Global Boxing (@mtkglobal)

Тренерот на Пари-Сен Жермен, Маврицио Почетино, има позитивен тест на Ковид-19, потврдија од францускиот шампион додавајќи дека веќе е во изолација и нема да биде на клупата за мечот со Анжер в сабота кога ќе го заменуваат неговите помошници Хесус Перез и Мигуел Дагостино.

Ковид-19 ги отстрани од теренот и фудбалерите Колин Дагба, Тило Керер и Рафиња, а Хуан Бернат има повреда на коленото.

„Мораме да бидеме подготвени в сабота, со или без мене. Сакаме да победуваме и да бидеме на врвот на Лига 1. Најважно е да ја заддржиме постојаноста, а бидејќи работиме 24 часа дневно, немаме многу време за одмор“, вели Почетино.

Барселона и покрај тоа што во тимот ги немаше Никола Миротиќ и Брендон Дејвис, стигна до фантастична 88:75 победа над ЦСКА Москва во Русија во битката на првопласираниот и второпласираниот тим во Евролигата.

Кори Хигинс постигна 25 поени против поранешниот клуб, Алекс Абринес имаше 19 поени, а Ник Калатес додаде 13 поени, 7 асистенции и 6 скока за тимот на Шарунас Јасикевичиус, кој се врати од 12 поени негатива во втората четвртина за 40:42 на полувремето за ЦСКА потоа да се мачи со играта од поле 21-од-50 за два поени и 4-од-21 за три поени.

Мајк Џејмс заврши со 18 поени за ЦСКА, Никола Милутинов имаше 15 и 6 скока, а Торнике Шенгелија имаше 10 поени и 7 скока.

Фенербахче, пак, го продолжи патот кон плејофот со огромна 100:74 победа над Панатинаикос во дебито на новиот тренер на грчкиот тим, Израелецот Одед Каташ. Тимот на Игор Кокошков имаше фантастичен почеток и со серија од 18:0 ја доби првата четвртина со 31:12, предност што не ја загуби до крајот.

Марко Гудуриќ заврши со 18 поени, Јан Весели имаше 12, за петта победа во низа на Фенер и подобрување на скорот на 10-10. Од другата страна Немања Недовиќ беше ограничен на 6 поени, а Арон Вајт со само 13 беше најдобриот стрелец.

ЕВРОЛИГА, 20. КОЛО

ЦСКА Москва – Барселона 75:88 (25:20, 16:22, 15:22, 19:24)

Фенербахче – Панатинаикос 100:74 (31:12, 17:22, 26:21, 26:19)

Зенит Санкт Петерсбург – Жалгирис 77:65 (17:14, 19:22, 20:13, 21:16)