Спорт
Мурињо отпишал шестмина, меѓу нив е и Родриго
Жозе Мурињо се враќа во Реал Мадрид со многу поголеми овластувања во клубот.
Мурињо ги направи првите потези откако се согласи да се врати на клупата на Реал Мадрид. Искусниот Португалец наводно веќе стави шест играчи на трансфер листата, со што јасно стави до знаење како планира да изгледа Реал под негова команда.
Португалецот се враќа во Мадрид откако претходно го водеше Реал помеѓу 2010 и 2013 година. Според шпанските медиуми потпишал договор до 2029 година. Со ова завршува неговиот краток мандат во Бенфика, каде што остана помалку од една сезона.
Официјалното назначување се очекува по претседателските избори на клубот, на кои сегашниот претседател Флорентино Перез сака да ја задржи својата позиција пред противкандидатот Енрике Рикелме.
Мурињо веќе одлучи кои играчи не се дел од неговите планови за сезоната 2026/27. Според новинарот Рамон Алварез, португалскиот стратег го информирал раководството на клубот дека Едуардо Камавинга, Родриго Гоес и Франко Мастантуоно не се во неговите планови.
На истиот список се и Фран Гарсија, Раул Асенсио и Дани Себаљос, кои би можеле да го напуштат клубот ова лето. Себаљос е блиску до заминување, а Ајакс покажува интерес за не
Foto/ Depositphotos
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Каролина го освои Стенли Купот
Каролина Хјурикенс се шампиони на НХЛ. Тимот од Северна Каролина стигна до Стенли Купот со победа во серијата против Лас Вегас со 4:2, а се покажа дека го добија решавачкиот шести натпревар на гостински терен со резултат од 3:0.
На овој начин, по точно 20 години, Каролина го врати пехарот во витрините. Тие ја освоија својата прва титула од 2006 година.
Хјурикенс ги загубија првите два натпревари од серијата, но потоа со четири последователни победи направија пресврт за конечен триумф.
Во Невада, мрежата ја маѓепса голманот Брендон Бузи, кој одбрани 22 удари кон својот гол. Од другата страна, напаѓачите одлично се снаоѓаа и постигнаа по еден гол во секоја третина.
Тејлор Хол беше првиот што се запиша во листата на стрелци. Поранешниот прв избор на драфтот постигна гол по само четири минути.
Предноста ја удвои Блејк во средината на вториот дел, а конечниот резултат го стави во празна мрежа Данецот Николас Елерс.
За најкорисен играч (MВП) од финалната серија е прогласен ветеранот Џордан Стал, кој постигна исто шест голови во исто толку натпревари, во финалната серија.
Спорт
(Видео) Диало го расплака Еквадор, Шведска го декласира Тунис
Фудбалерите на Брегот на Слоновата Коска го победија Еквадор со 1:0 (0:0) во натпреварот од првото коло од Групата Е на Светското првенство, додека во Групата Ф, Шведска го декласира Тунис со 5:1.
Натпреварот во Филаделфија, пред речиси 60.000 навивачи на Еквадор, беше решен во 90-та минута.
Целиот натпревар беше полн со интензитет, ритам и динамика, а тоа донесе многу шанси на двете страни, вклучувајќи и удари кон голот. Еквадор три пати ја погоди рамката, „Слоновите“ еднаш.
Кога сите се помирија со фактот дека мечот ќе заврши без постигнат гол, „Слоновите“ изведоа молскавична контра.
Стартниот стопер, Синго, кој подоцна се префрли на позицијата десен бек, се проби на десната страна, истрча со топката речиси 70 метри, а потоа непречено му сервираше на Дијало, кој ја потврди својата класа со еден потег и донесе голема радост на својата нација.
Во второто коло, Брегот на Слоновата Коска ќе игра против Германија во сабота во 22:00 часот во Торонто, додека истата вечер во 02:00 часот Еквадор ќе се сретне со Курасао во Канзас.
Во Ф групата, Шведска со два гола на Ајари и Ѓокереш, односно гол на Свамберг го растури Тунис со 5:1. Според прикажаното Тунижаните не заслужија толку убедлив пораз. Иронијата е дека првиот и последниот гол за Шведска ги постигна Ајари, кој требаше да игра за Тунис, бидејќи неговите родители се од оваа земја. Сепак тој реши да го носи дресот на Шведска, поади што не ги прослави головите.
Во следното коло, Шведска ќе игра против Холандија во сабота во 19:00 часот, а Тунис ќе се натпреварува против Јапонија следниот ден наутро во 6:00 часот.
Foto/ EPA
Спорт
(Видео) Гејџи пред очите на Трамп го сруши Топурија
Едно од најголемите изненадувања во историјата на УФЦ се случи на спектаклот одржан во Белата куќа, каде што Џастин Гејџи го шокираше светот и го победи претходно непоразениот Иља Топурија.
Пред повеќе од 100.000 гледачи собрани во блискиот Елипс Парк, како и во присуство на американскиот претседател Доналд Трамп, Гејџи создаде сензација и ја прекина доминацијата на шампионот.
Американскиот борец беше пречекан со овации од публиката на тревникот на Белата куќа, а поддршката ја оправда со фантастичен меч против еден од најдобрите борци на денешницата.
GAETHJE STUNS TOPURIA IN ROUND THREE 😱🔥 #UFCWhiteHouse
[ Title fights presented by @Cryptocom ] pic.twitter.com/S8i8LgeuZ7
— UFC Canada (@UFC_CA) June 15, 2026
Борбата беше прекината во четвртата рунда откако Топурија го предаде мечот, па Гејџи беше прогласен за победник и нов шампион. За Топурија, ова е прв пораз во неговата професионална кариера, па сега има скор од 17-1, додека Гејџи стигна до својата 27-ма победа со пет порази и напиша една од најголемите приказни во историјата на УФЦ.
Многу експерти веќе проценуваат дека ова е едно од најголемите изненадувања што ги видел ММА спортот во последните неколку години, особено имајќи ја предвид доминацијата што ја покажуваше Топурија пред овој меч.
Foto/ EPA
