Спорт
Мурињо: Повеќе ми е важен насмеаниот навивач отколку мојата слава
Тренерот на Рома, „специјалниот“ Жозе Мурињо, беше во посета на кардиналот Жозе Толентино де Мендонса и во разговор зборуваше за фудбалот и како тој влијаел на неговиот живот.
„Ние сме платени да победуваме. Спортистите се платени да победуваат и зборуваме за високи перформанси и понекогаш мора да направиш одлуки што се сурови. За грешките плаќаш. Ако згрешам, ќе платам со отказ. Ако фудбалер згреши, тогаш ќе плати со тоа што нема да игра. Секако, тоа е сурово, но нашата работа не треба да влијае на тоа какви луѓе сме. Се обидувам да им помогнам на другите и самиот да бидам подобар. Не толерирам трошење на талентот, и по 30 години, тоа ми е тешко да го прифатам“, вели Мурињо.
Тој исто така зборуваше за својот раст како личност преку фудбалот.
„Мојата еволуција како личност ја гледам преку фактот што многу години сакав да победувам за себе, а сега сакам да победувам со поголема страст, но не за мене, туку за фудбалерите што никогаш не победиле. Повеќе ми е важен насмеанот навивач поради победата на неговиот тим и како неделата ќе му помине подобро“, вели Мурињо.
Mourinho spirituale: “Voglio vincere sempre. Non per me, ma per regalare gioia” #Mou #Roma https://t.co/UbzIedSGeL
— La Gazzetta dello Sport (@Gazzetta_it) April 5, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.