Спорт
Мурињо: Сигурен сум дека Фергусон не го дели мислењето на Солскјер
Менаџерот на Тотенхем, Жозе Мурињо, во најавата на дербито со Манчестер јунајтед, порачал дека не го подржува мислењето на Оле Гунар Солскјер, дека трофеите не се показател за успехот.
Манчестер јунајтед последниот трофеј го освоиле кога менеаџер беше Мурињо, во 2017 година „црвените ѓаволи“, славеа во Лига Европа.
Солскјер рекол дека напредокот што го покажува неговиот тим оваа сезона, не може да се оценува преку трофеите. Смета дека опседнатоста со трофеите, на одредени тренери, е работа на „големото его“.
„Тоа е негово мислење. Сигурен сум дека неговиот голем шеф сер Алекс Фергусон поинаку размислува на оваа тема. Убеден сум дека Фергусон, како најдобар менаџер во историјата на Премиер лигата, има поинакво мислење во врска со трофеите. Секако дека го почитувам ставот на Солскјер, моето мислење е поинакво…“, рекол Мурињо.
Тотенхем ќе го пречека Манчестер јунајтед, утре од 17.30 часот. Во првиот дел од сезоната, екипата на Мурињо го победи Јунајтед со 6:1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола: Во кој било друг спорт ќе победевме
Пенал рулетот им пресуди на фудбалерите на Манчестер сити. Актуелните европски шампиони испаднаа од Реал во четвртфиналето во Лигата на шампионите. По 3:3 во Мадирд, реваншот во Манчестер заврши 1:1. Пенал серијата Реал ја доби со 4:3, Едерсон го одбрани пеналот на Мордиќ, а потоа Лунин ги надмудри Силва и Ковачиќ.
Манчестер сити не успеа да го добие натпреварот во кој имаше 67 отсто од поседот на топката, 33 удари кон голот (девет во рамките) и 18 корнери.
Разбирливо е дека тренерот Пеп Гвардиола беше фрустриран во своите изјави.
„Ова е фудбал. Во кој било друг спорт ќе победевме. Не жалиме за ништо што направивме, одигравме одлично на сите делови од теренот, но за жал не победивме. Создадовме шанси да одиме понатаму, но фудбалот важно е да постигнувате голови. Јохан Кројф велеш дека среќата не постои. Се согласувам со него. Ваквиот пораз боли. Покажавме дека можеме да играме против Реал. Што друго можевме да направиме? Немам што повеќе да кажам?”, изјави Гвардиола.
Слично размислува и играчот од средниот ред на Сити, Родри: „Искрено, вечерва играше само еден тим“.
Спорт
Елиминацијата на Арсенал го однесе Салцбург на клупскиот Мундијал во 2025
Фудбалерите на Салцбург се последните претставници на Европа на Светското клупско првенство, кое ќе се одржи летото 2025 година во Соединетите Американски Држави, соопшти Светската фудбалска федерација (ФИФА).
Шампионот на Австрија се пласираше на клупскиот Мундијал, благодарение на елиминацијата на Арсенал од Баерн во четвртфиналето на Лигата на шампионите.
Светското клупско првенство за прв пат ќе се одржи во нов формат, со 32 клуба, следната година во САД од 15 јуни до 13 јули.
Засега се познати 24 клубови учесници, а остануваат уште осум места. Познати се и имињата на сите 12 клубови кои ќе ја претставуваат Европа.
Покрај Салцбург тоа се Реал и Атлетико, Манчестер сити и Челзи, Баерн и Борусија Дортмунд, Пари Сен Жермен, Интер и Јувентус, Порто и Бенфика.
🚨 OFFICIAL: Arsenal are out of the Clubs’ World Cup after tonight.
🇦🇹 RB Salzburg access to the World Cup.
🏴 Manchester City, Chelsea.
🇪🇸 Real Madrid, Atlético Madrid.
🇩🇪 Bayern, Borussia Dortmund.
🇫🇷 Paris Saint-Germain.
🇮🇹 Inter, Juventus.
🇵🇹 Benfica, Porto.
🇦🇹 Salzburg. pic.twitter.com/I8ljDZCQTN— Fabrizio Romano (@FabrizioRomano) April 17, 2024
Азија ќе ја претставуваат Урава, Ал Хилал и Улсан.
Од Јужна Америка местото засега го обезбедија бразилските клубови Палмеирас, Фламенго и Флуминенсе. Од Северна и Централна Америка на првенството ќе играат мексиканските клубови Монтереј и Леон и американскиот Сиетл.
Египетскиот Ал Ахли и мароканскиот Видад се претставници на Африка. Океанија во Америка ќе ја претставува новозеландскиот Окленд Сити.
Останатите осум места ќе ги заземат три клуба од Јужна Америка, два од Африка и по еден од Азија, Северна и Централна Америка и Соединетите Американски Држави.
Спорт
(Видео) Сиксерс преку Мајами до седмоот место на Истокот, Чикаго на летен одмор ја испрати Атланта
Филаделфија го освои седмото место во Источната конференција во НБА лигата, а са осмото ќе играат Чикаго Булас и Мајами Хит. Изминатата ноќ, дуелот на Филаделфија и Мајами заврши 105:104, додека Чикаго Булс ги збришаа Атланта Хокс со 131:116.
Филадлефија, во плеј-ин мечот против Мајами, на домашен терен, успеа да се врати од негативата од 14 поени и во пенал завршницата да ги совлада Хит. Ветеранот Николас Батум го иницираше пресвртот. 39-годишникот одигра како во најдобрите денови од кариерата, со 20 поени беше втор најдобар стрелец на Филаделфија. Џоел Ембид ги предводеше победниците со 23 поени и 15 скокови.
Кај Мајами се истакна Тајлер Хиро со 25 поени и девет асистенции.
Филаделфија во првото коло, во плеј-офот ќе игра против Њујорк Никс.
Борбата меѓу деветтиот и десеттиот тим на Истокот не донесе никакв а неизвесност. Чикаго лесно славеше над Атланта 131:116.
Блескаше кај Чикаго Коби Вајт со 42 поени, девет скока и шест асистенции, Никола Вучевиќ додаде 24, со 12 скока и две асистенции и ДеМар Дерозан забележа 22 поени, девет асистенции и шест скока.
Атланта имаше четворица играчи со 20+ поени, но тоа не беше доволно да го избегне поразот.
Дижонте Мареј имаше учинок од 30 поени, седум скока и шест асистенции, Клинт Капела забележа 22 поени и 17 скока, Треј Јанг 22 поени и 10 асистенции, а Богдан Богдановиќ 21 поен, пет скока и четири асистенции.
Во сабота еден час по полноќ Мајми и Чикаго ќе решат кој ќе им се спротивстави на Бостон Селтикс во првата плеј-оф рунда.