Спорт
Мурињо: Веднаш се јавив да проверам како е Касилјас (видео)
Поранешниот тренер на Реал Мадрид, Жозе Мурињо, вели дека веднаш се јавил да се информира за состојбата на поранешниот капитен на клубот, Икер Касилјас, бидејќи голманската легенда доби срцев удар на тренинг со Порто оваа недела.
Мурињо работеше со Касилјас во „кралскиот клуб“ од 2010 до 2013, период во кој имаа големи конфликти, кои кулминираа со одземањето на стартното место на шпанскиот голман. Мурињо си замина од Реал во 2013 година, а Касилјас замина во Порто во 2015 година.
„Сите знаат дека во одреден момент кога решив да не го ставам во првиот тим, имаше конфронтација на егото, конфронтација на капитенот и менаџерот на Реал Мадрид. Не беше лесно да ја направам таа одлука, но и за него да ја прифати. Но, имаме позитивни односи, не како што велат во медиумите“, вели Мурињо.
Тој додава дека веднаш се јавил во Порто, клуб со кој ја освои Лигата на шампионите во 2004, за да се информира за состојбата.
„Навистина ми е жал за тоа. Веднаш спатив во контакт со Порто за да пратам порака, а медицинскиот тим на Порто е фантастичен, еден од најдобрите во светот на фудбалот. Тој е во добри раце, а португалските медиуми даваат позитивни информации“, вели Мурињо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.