Спорт
Мурињо во свој стил: „Удри“ по академиите на поранешните клубови
Жозе Мурињо во првото интервју како нов тренер на Тотенхем вети промоција на младинскиот фудбал во северен Лондон и во исто време „удри“ на своите поранешни англиски клубови, Манчестер јунајтед и Челси.
Мурињо не е познат како тренер кој се фокусира на развојот на младите фудбалери, но сега, откако го замени Маурисио Почетино во Тотенхем, открива дека во минатото немал доволно добри „темели за работа“ за разлика од сега.
„Навистина ми се допаѓа тимот и фокусот на младите фудбалери, бидејќи нема менаџер на светот кој не сака да игра со млади фудбалери и да ги развива. Проблемот е што понекогаш сте во клубови каде што работата која е под вас не е доволно добра да ’произведе’ вакви фудбалери, така што тука ситуацијата е поинаква. Да се игра против Тотенхем на ’Вајт харт лејн’ секогаш беше тешко, но прекрасно. Таму секогаш се однесуваа кон вас со страст, но и со почит. Секогаш сум зборувал за потенцијалот на клубот и квалитетот на фудбалерите. Сега, не можете да кажете само убав стадион, туку морате да кажете: ’најдобар стадион на светот’. Никаде нема вакви услови, во цела Европа“, вели Мурињо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.