Спорт
На повидок голема чистка во Баерн, Перишиќ се враќа во Интер!
Хрватскиот фудбалски репрезентативец, Иван Перишиќ се чини дека неа долго да се задржи во редовите на Баерн Минхен ако се точни информациите на „Билд“.
Тиражниот германски весник пишува дека Баварците на крајот на сезоната Хрватот ќе го вратат во Милано и нема да го откупат неговиот договор. Перишиќ на „Алијанц Арена“ дојде во моментите додека тренер беше неговиот сонародник Нико Ковач.
Но тој во меѓувреме доби отказ, неговата позиција сега ја наследи Ханс Флик, кај кого Перишиќ е резерва, предност има Кингсли Коман.
„Билд“ пишува дека Баварците не се задоволни од неговиот учинок, на 12 меча во Бундеслига постигна 3 гола и имаше 3 асистенции. Во ЛШ, пак, Перишиќ на 6 меча даде 1 гол надополнет со 3 асистенции.
Во Интер пак се надеваат дека хрватскиот фудбалер ќе успее да направи нов трансфер за да можат нешто да заработат на него, затоа што неговиот договор со клубот од Милано истекува летото 2022 година.
Моментната вредност на играчот е околу 22 милиони евра, што е двојно помалку за разлика од 2017 година.
Хрватот не е единствениот од кого Баерн сака да се ослободи. Баварцитем според пишувањата, не се претерано задоволни ниту од Фелипе Кутињо, па тешко дека ќе го откупат неговиот договор од Барселона.
Подмладувањето на составот започна и тоа од голманската позиција. Ноер е се поблиски од напуштање на Минхен откако Баварците го ангажираа младиот Александер Нибел од Шалке.
Се шпекулира и со заминување на Џером Боатенг, Хави Мартинез и Тиаго, а „Билд“ го споенува и Давид Алаба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.