Спорт
Надал и херојот Баутиста Агут донесоа Дејвис куп титула за Шпанија
Светскиот рекет број 1, Рафаел Надал, но посебно херојскиот подвиг на разжалостениот Роберто Баутиста Агут, донесоа нова Дејвис куп титула на Шпанија, по 2:0 победата во финалето против инспирираните Канаѓани.
Во првото финале во новиот формат на натпреварување, во кој цела недела се играше финалето со натпревари по групи, четврт-финале и полуфинале, Шпанија по драматичната победа над Британија во саботата, стигна до 2:0 победа над Канада. Надал пред бучната домашна пубеика со 6:3/7:6(6) го победи Денис Шаповалов за голема победа.
Ова е шеста титула од Дејвис купот за Шпанија, по победите во 2000, 2004, 2008, 2009 и 2011, додека Канада го прослави најголемиот успех во историјата на тениското тимско натпреварување со влезот во финалето.
Претходно, Роберто Баутиста Агут им даде совршен старт на домаќините, победувајќи го Феликс Оже-Алијасим со 7:6(3)/6:2, само еден ден по смртта на неговиот татко.
31-годишниот Баутиста Агут играше во двата дуели по групиоваа недела, пред во средата да замине во својот роден град Кастелјон поради болеста на неговиот татко Хоакин. Во саботата, тој се врати и навиваше за своите соиграчи во трилер-победата над Британија, пред да биде избран од селекторот Серхи Бругуера за финалето.
Пред бучната публика во „Ла каха магика“, светскиот рекет број 9 доминираше против тинејџерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.