Спорт
Надал: Не можев да издржам да играм уште два меча во ваква состојба

„Немаше поента да се игра во ваква состојба“, изјави шпанскиот тенисер Рафаел Надал откако се повлече од полуфиналето на Вимблдон поради повреда на стомачните мускули. Сопственикот на рекордни 22 грен – слем титули денеска требаше да игра против Австралиецот Ник Кирјос, но поради напукнување на стомачниот ѕид се откажа од настапот.
Лекарските прегледи покажале дека Надал има кинење на стомачните мускули од 7 милиметри за време на четвртфиналниот меч на Вимблдон против Американецот Тејлор Фриц, кој го доби по четири часа исцрпувачка игра со 3:6, 7:5, 3:6, 7:5 7:6.
Покрај проблемите со стомачните мускули, Надал се соочува и со повреда на стапалото.
„Имам пукнатина во стомакот. Цел ден разговаравме за одлуката, но нема смисла да играм ако сакам да ја продолжам кариерата“, објасни 36-годишниот Шпанец.
„Оваа одлука ја донесов затоа што не можам да победам уште два меча. Од почит кон себе, не сакам да играм ако не сум конкурентен и ако не сум на потребното ниво. Не сакам да ми се влоши повредата“, додаде тој.
Надал откри дека неколку дена имал проблеми со стомачните мускули.
„Имав стомачни проблеми една недела, но успеав да го ставам тоа под контрола. Сепак, вчера ми стана многу болно. Се зголеми многу малата повреда што ја имав неколку дена претходно”, објасни Надал.
По повлекувањето на Надал, Ник Кирјос без борба влезе во своето прво грен – слем финале. Тој стана и првиот Австралиец во финалето на Вимблдон по Марк Филипусис, на кого тоа му успеа во 2003 година.
Кирјос во финалето ќе игра со победникот од мечот меѓу Србинот Новак Ѓоковиќ и Британецот Камерон Нори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) На шампионот не му оди – Осимен утна пенал, само поен против Болоња

За разлика од минатата сезона, кога ги „газеа“ своите противници, на актуелниот шампион Наполи не му оди најдобро на стартот на новата сезона, одигрувајќи само 0:0 на гостувањето кај Болоња.
Ова е трет меч едноподруго во кој тимот на Руди Гарсија не победува, а уште повеќе разочарува неефикасноста на напаѓачите. Виктор Осимен имаше најдобра шанса да ги донесе гостите во водство во 72. минута од мечот кога беше досуден, но тој беше непрецизен.
Македонскиот ас, Елиф Елмас доби шанса во 76. минута кога го замени слабиот Квича Кварацхелија, но ниту тој не успеа да помогне да се стигне до победа.
Bologna Napoli ends in a goalless draw. This missed penalty from Victor Osimhen was the closest the Partenopei came to breaking the deadlock. ❌#BolognaNapoli pic.twitter.com/9ozQ1moEso
— $ (@samirsynthesis) September 24, 2023
Спорт
(Видео) Њукасл го „масакрираше“ Шефилд јунајтед со осум „парчиња“

И пред стартот на сезоната, Шефилд јунајтед беа меѓу првите кандидати за експресно враќање во Чемпионшип, но ниту нивните најлути ривали не очекуваа „блејдс“ да доживеат вистински потоп против Њукасл јунајтед, губејќи со 0:8 на „Брамал лејн“.
Гостите победата ја осигураа во период од 15 минути во првото полувреме со головите на Шон Лонгстаф (22.), Ден Брн (31.) и Свен Ботман (35.), но судбината на тимот на Пол Хекингботам изгледаше очајно во второто полувреме. Калам Вилсон (56.), Ентони Гордон (61.), Мигуел Алмирон (68.), Бруно Гимараеш (73.) и Александер Исак (87.) го декласираа домаќинот.
Ова е трета победа во шест кола за Њукасл (со што се израмнети со Манчестер јунајтед), додека Шефилд се на последното место со 1 поен, колку што имаат и другите два нови премиерлигаши, Барнли и Лутон.
Спорт
Два гола и една асистенција за Миовски во шкотската Премиерлига

Македонскиот репрезентативец Бојан Миовски продолжува да „тресе“ за Абердин во шкотската Премиерлига, откако го предводеше својот тим до 4:0 победа над Рос каунти со два гола и една асистенција за само 54 минути на теренот.
Миовски го отвори резултатот во 21. минута, во 48. минута му асистираше на Мекгрет за 3:0, за во 54. минута да го постигне и својот втор гол за фантастична победа.
Ова е само прва победа за Абердин во првите пет кола од новиот шампионат и тие се на претпоследното место на табелата со 5 освоени поени.
BM 9⃣ is our Halliburton Man of the Match 🔥#StandFree pic.twitter.com/9aCeLOquVN
— Aberdeen FC (@AberdeenFC) September 24, 2023
Aberdeen are in cruise control at Pittodrie! 🎯
⏱️ 48' Jamie McGrath nets the third
⏱️ 52' Bojan Miovski makes it four#BBCFootball pic.twitter.com/hsExGMEQue— BBC Sport Scotland (@BBCSportScot) September 24, 2023