Спорт
Надал потврди дека ќе стане татко, но и дека ќе игра на Вимблдон
Зборувајќи на прес-конференција во Мајорка, освојувачот на рекордни 22 гренд слем титули, Рафаел Надал потврди дека ќе стане татко за првпат во животот, но и дека планира да игра на Вимблдон првпат по тригодишна пауза.
„Ако работите одат како што треба, ќе бидам татко. Не сум навикнат да зборувам за мојот приватен живот, и се обидувам да бидам посмирен и со понизок профил во јавноста. Но, не очекувам дека мојот живот ќе се смени многу“, изјави Надал, потврдувајќи дека неговата сопруга Мери „Чиска“ Перело, со која е во врска повеќе од 17 години, е бремена.
36-годишниот Шпанец, кој неодамна ја освои својата 14. титула од Ролан Гарос по победата над Каспер Руд исто така потврди дека планира да настапи на Вимблдон.
„Намерата е да се игра на Вимблдон, а оваа недела тренирав добро и во понеделник патуваам за Лондон. Повредата на стапалото треба да се надгледува постојано, така што уште не можам да бидам сигурен дали ќе играм. Но, намерата е да се игра“, вели Надал.
Doble alegría para Nadal: confirmó que espera su primer hijo y jugará Wimbledon – Doble alegría para Nadal: confirmó que espera su primer hijo y jugará Wimbledon – https://t.co/5F99qMKelW
— Christian Frigerio (@ChrisFrigerio) June 17, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.