Спорт
Надал преживеа тричасовна битка со Гофан, Жабер влезе во историјата во Мадрид
Рафаел Надал, по тешкиот прв меч на мастерс 1000-турнирот во Мадрид, не успеа да го најде ритамот ниту во дуелот со Белгиецот Давид Гофан на „Каха Магика“ по пропуштањето лесна победа во два сета за на крајот за нешто повеќе од три часа со 6:3/5:7/7:6(9) победа да се пласира во четврт-финалето, а туниската тенисерка Онс Жабер влезе во историјата како прва Африканка со пласман во финале на ВТА 1000-турнир.
По тешкиот прв меч против Миомир Кецмановиќ, и овој пат освојувачот на рекордни 21 гренд слем титули остана без сила во финишот на вториот сет пропуштајќи брејк за победа за потоа, дури во тај-брејкот во третиот сет да го совлада упорниот Белгиец, кој пропушти меч-топка при 7:6 водство во тај-брејкот за на крајот да загуби со 11:9.
Следен противник за Надал може да биде човекот што многумина го сметаат за негов наследник, деветтиот носител Карлос Алкараз, кој првин треба да го победи Британецот Камерон Нори.
27-годишната Жабер, која е светска тенисерка број 10, со 6:2/6:3 ја совлада Русинката Екатерина Александрова за само втора победа против ривалката во осум меѓусебни дуели за пласман во финалето, каде што ќе игра со подобрата од мечот помеѓу 12. носителка, Американката Џесика Пегјула, и Швајцарката Џил Тајхман.
„Ми беше мака што само губев од неа, така што морав да се одмаздам. Среќна сум од мојата форма и сега сум подотвена за финале“, вели Жабер, која ја победи шампионката од „Ролан Гарос“, Симона Халеп, во четврт-финалето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Чави се предомисли, останува на клупата на Барселона
Чави Ернандез и наредната сезона ќе ја предводи екипата на Барселона.
Клупските челници од стадионот „Камп Ноу“ и Чави имаа средба во текот на денот и се договориле нивната соработка да продолжи.
Договорот бил постигнат во вилата на претседателот Џоан Лапорта.
Чави пред неколку месеци најави дека ќе си замине на крајот на сезоната, но се предомисли.
Шпанските медиуми пренесуваат дека тренерот потпишал нов едногодишен договор и дека во клубот со кој имаше многу успеси како играч ќе остане до 30 јуни 2025.
Барселона моментално е на второто место во Ла Лига, со 11 бодови помалку од лидерот Реал.
Спорт
Претседателот на Ла Лига јавно кажа дека е навивач на Реал
Претседателот на шпанската Ла Лига, Хавиер Тебас отворено призна дека навива за Реал Мадрид во интервју за „Експансион“. Овој факт е познат од поодамна, но сега за прв пат е и јавно потврден. Овој детал Тебас го откри додека го коментираше евентуалниот трансфер на Килијан Мбапе во Реал.
„Прво и основно, сето ова го кажувам како навивач на Реал Мадрид. Тоа е неверојатен трансфер, Мбапе е еден од најдобрите фудбалери во светот. Не можам да кажам дека е најдобар бидејќи мислам дека Белингам е најдобар, и зад него е Винисиус“, рече тој и потоа додаде:
„Мбапе е еден од најдобрите фудбалери во светот, затоа мора да бидеме среќни бидејќи таков играч доаѓа во нашата лига. Знам како Реал Мадрид планира да го обезбеди неговиот потпис, и покрај загриженоста и нестрпливоста на медиумите. Тоа го направија во добар момент.”
Да потсетиме, Мбапе на лето доаѓа во Реал Мадрид како слободен играч, откако ќе му заврши договорот со ПСЖ.
Спорт
(Видео) Кобајаши леташе 291 метар
Јапонскиот ски скокач Рјоју Кобајаши постави неофицијален светски рекорд во Исланд прелетувајќи 291 метар, што е за 37,5 метри подобро од официјалниот светски рекорд.
Рекордот Кобајаши го постави на специјално изградена скокалница во ски-центарот Хлидарфјал.
Кобајаши ги помести границите со летови од 256, 259 и 282 метри во двата дена од пробното натпреварување, а во средата го постави конечниот рекорд од 291 метар. Осум секунди бил во воздух и достигнал најголема брзина од 107,5 километри на час.
„Долго сонував за овој скок, отсекогаш сум сакал да летам подалеку од сите други и сакам да ги поместам границите“, изјави Кобајаши по најдолгиот лет во историјата.
Според соопштението за печатот на Ред Бул, специјалната скокалница е целосно изградена од снег. Врвот на залетиштето е на 1115 метри, а зоната на слетување завршува 360 метри подолу и има наклон од 36 степени.
Јапонецот во кариерата има 32 победи во Светскиот куп, два пати беше севкупен победник, има златен и сребрен медал од Олимписките игри во 2022 година, а три пати ја освојуваше и Новогодишната турнеја.
𝟐𝟗𝟏 𝐌𝐄𝐓𝐑𝐎́𝐖 ❗️
Ryoyu Kobayashi udowodnił, że niemożliwe nie istnieje ❗️#skijumpingfamily pic.twitter.com/Or7frTerSh
— Eurosport Polska (@Eurosport_PL) April 24, 2024