Спорт
Надал се спаси во маратонот со Шаповалов, Новак оди на Циципас во четвртфинале
Вториот светски рекет во моментов, Шпанецот Рафаел Надал одигра маратонски меч (3 часа и 30 минути) на Мастерс турнирот во Рим за да обезбеди пласман во четвртфиналето. Предмалку тој со 2-1 во сетови (3-6 6-4 и 7-6) го совлада 19-тиот на АТП листата, Денис Шаповалов од Канада.
22-годишниот тенисер со 6-3 го доби првиот сет, а имаше и водство од 3-1 во вториот сет. Сепак шпанскиот ас со два брејка во вториот дел од сетот успеа да направи пресврт и да се избори за решавачки трет сет.
Во него двајцата тенисери имаа два брејка едно подруго, за 4-4.
Следуваше водство на Шаповалов од 5-4 и експресна реакција на Надал за 5-5. Мечот мораше да се решава во тај-брејк иако Надал претходно спаси една меч топка во 12-тиот гем.
Искуството на 35-годишниот Шпанец беше пресудно. 7-3 во тај-брејк за четвртфинале во кое го чека подобриот од дуелот Нишикори – Зверев, кој е во тек.
Утринава без поголеми проблеми пласман меѓу осумте најдобри во Рим обезбеди Новак Ѓоковиќ. Тој експресно со 2-0 (6-2 и 6-1) беше подобар од Шпанецот Давидович Фокина.
Ривал на Ѓоковиќ во утрешното четвртфинале ќе му биде Стефанос Циципас кој денеска со 2-0 (7-6 и 6-2) славеше против домашниот тенисер, Матео Беретини.
Во останатите мечеви кои досега завршија во Рим елиминација доживеа Русинот Аслан Карацев, подобар со 2-0 од него беше Американецот Рајан Опелка. Четвртфинале на турнирот ќе игра и Аргентинецот Делбонис кој со 2-0 го совлада Оже-Алијасим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.