Лаутаро Мартинез ќе остане во Интер. Аргентинецот наскоро ќе го продолжи договорот со клубот од „Џузепе Меаца“.

„Марка“, пишува дека откупната клаузула во договорот ќе остане иста, односно секој што ќе сака да го донесе Лаутаро ќе мора да плати 111 милиони евра. Поточно оваа клаузула нема да важи само за Јувентус.

Интер подготвиле „анти-Јуве“ клаузула, за нив цената за Лаутаро ќе изнесува 150 милиони евра.

Лаутаро е играч на Интер од јуни 2018 година. Досега одиграл 111 натпревари, постигнал 40 голови.

Инаку, речиси цела година Лаутаро се поврзуваше со Барселона. Каталонците неколку пати понудија за него помалку од 100 милиони евра, поради што Интер ги одби. Сега кога Барселона е во голема финансиска криза, тој трансфер повеќе не е актуелен.

Првиот човекна шпанската Ла Лига, Хавиер Тебас, во интервју за агенцијата Ројтерс, рекол дека формирањето на Суепрлигата ќе го уништи фудбалскиот екосистем.

Изминатите месеци често се слуша дека најголемите европски клубови ќе се одвојат од УЕФА и ќе формираат Суперлига. Ваквата идеја ја поттикнала финансиската криза што ја предизвика пандемијата на коронавирусот. Според некои проценки клубовите ќе останат без 6 до 8,5 милијарди евра, кога работите ќе се нормализираат.

Тебас смета дека долгорочно, Суперлигата нема да им помогне на клубовите.

„Со или без пандемијата, оваа Суперлига, не само што ќе го уништи фудбалот во целост, односно ќе ги уништи националните првенства, туку ќе ги уништи и клубовите кои ја поддржуваат оваа идеја. Во краток рок ќе постигнат одреден успех, но долгорочно тоа ќе биде катастрофа. Клубовите не е се свесни дека радикални промени, каква што е ова, можат да имаат негативно влијание на среден и долг период“, рекол Тебас.

Во таа Суперлига од шпанските тимови треба да играат Барселона, Реал и Атлетико Мадрид. Барселона и Реал јавно и го поддржаа овој проект.

„Најдобро за фудбалот е да биде задржан овој екосистем. Имаме одличен систем во националните првенства и Лигата на шампионите. Тоа се стабилни проекти. Мораме да продолжиме да работиме според овој модел. Не можеме да си дозволиме радикални промени во актуелниот систем. Мораме да им пружиме заштита и сигурност на сите“, рекол Тебас и порачал.

„Време е да им кажеме: „Доста е!“, на клубовите кои само сакаат повеќе пари за себе и кои се подготвени да ги уништат националните првенства, Лигата на шампионите и историјата на европскиот фудбал. Мораме да ѝ кажеме „Не“ на себичноста“.

Хрвоје Хорват е новиот селектор на ракометната репрезентација на Хрватска. Хорват на функцијата доаѓа на местото на лино Червар, кој поднесе оставка по дебаклот на Хрватите на Светското првенство во Египет.

Хорват, на последните три големи натпреварувања, му бил помошник на Червар. Тој е тренер на ракометниот клуб Нексе.

Токму Червар предложил 43-годишниот Хорват да биде неговиот наследник. Предлогот на Червар, веднаш бил прифатен од Управниот одбор на Ракометниот сојуз на Хрватска.

Довербата да ја предводи репрезентацијата Хорват ја добил пред Ивано Балиќ и Славко Голужа.

Хорват ќе дебитира на квалификацискиот турнир за пласман на Олимписките игри во Токио, кој од 12. до 14.март ќе се одржи во Монпеље. Покрај Хрватска, на турнирот ќе учествуваат Франција, Португалија и Тунис.