Спорт
Најлошиот тим во историјата на Бундеслигата не сакаат Шалке да ги стигне
Алмир Нумиќ, извршниот директор на Тасманија Берлин, историски најлошиот тим во Бундеслигата вели дека сите во клубот се надеваат дека гигантот Шалке нема да го сруши нивниот негативен рекорд оваа сезона.
Кризата во клубот од Гелзенкирхен е неверојатна – тие немаат победа во 24 меча во Бундеслигата во низа и се блиску до рекордот на Тасманија од 1966 година, кога тие немаа победа во 31 меч. Но, додека за ривалите на Шалке ова е совршена шанса за шеги и потсмевање, Нумиќ вели дека се надева дека бргу ќе победат.
„Тој негативен рекорд е дел од нашиот идентитет долго време. Тој рекорд ни помага. Кога ќе седнеме со спонзорите, не мора да објаснуваме кои се Тас! Првото нешто што се гледа на ‘Спортшау’, популарното германско ТВ шоу за фудбал е нашиот грб. Тоа е кул“, вели Нумиќ.
Нумиќ, 38-годишниот бизнисмен со балканско потекло, го презеде Тасманија на почетокот на 2020 и се надева дека еден ден ќе ги врати во Бундеслигата – во моментов тие се во регионалната лига, но се први по девет меча.
„Не се работи за парите, туку за идентитетот, за емоциите. Сите фудбалери се свесни за тоа. Нема да функционира ако еден фудбалер го плаќаме 200, а друг 3.000 евра. Ќе продолжиме да инвестираме, но немаме огромен буџет. Мојот пријател, Сулејман Сане, таткото на Лирој Сане, ми кажа: ‘Тасманија се џинови кои спијат’. Продаваме дресови поради тој рекорд и сакаме да остане“, додава Нумиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.