Атланата утре во дербито на колото, во Серија А, ќе го пречека Јувентус. „Страта дама“, сезонава спротивно на сите прогнози, се бори за место во Лигата на шампионите. Натпреварот во Бергамо е исклучително важен за Јувентус. Екипата на Андреа Пирло се наоѓа на третото место со 62 бода, еден повеќе од Аталанта и три од Наполи.

Пред мечот во Бергамо, Пирло е соочен со голем проблем. Поради повреда, против Аталанта нема да игра Кристијано Роналдо.

„Утре ќе биде без најважниот играч. Кристијано, поради повреда, нема да игра против Аталанта. Сметаме дека доколку игра, ризикува посериозна повреда“, рекол Пирло.

Медиумите, пишуваат дека повредата на Роналдо не е сериозна и дека тој ќе се врати во тимот за неколку дена.

Во отсуство на Роналдо, се очекува во нападот на Јувентус, покрај Алваро Мората да игра Паоло Дибала.

Покрај Роналдо, дуелот со Аталанта, ќе го пропушти и Федерико Бернардески, кој е заразен со коронавирусот.

Менаџерот на Тотенхем, Жозе Мурињо и селекторот на Англија, Герет Саутгејт, сериозно ги загрижи повредата на Хари Кејн. Најдобриот англиски напаѓач, побара замена во финишот на натпреварот со Евертон (2:2). Кејн ги постигна двата гола за Тотенхем на „Гудисон парк“.

Тотенхем, се уште не се огласиле во врска со повредата. Медиумите во Англија шпекулираат дека се работи за повреда на зглобот.

„Загрижен сум што Кејн побара измена. Кога тој бара имена значи дека има проблем…Сите сме згрижени дека повредата може да го спречи да не игра против Саутемптон во среда и особено во недела, во финалето на ФА купот, против Манчестер сити. Ќе видиме“, рекол Мурињо.

Хари Кејн, низ кариерата, има големи проблеми со скочниот зглоб. Во сезоната 2018/2019 два пати го повреди зглобот на левата нога. Претходната сезона, еден месец не играше поради повреда на зглобот на десната нога.

Во сезоната 2016/2017, поради зглобот паузираше два и пол месеци.

Џенаро Гатузо, наредната сезона би можел да ја предводи Фиорентина. Гатузо е тренер на Наполи, но извесно е дека ќе го напушти клубот по завршувањето на сезоната. Договоорт на Гатузо со Наполи истекува на 30.јуни.

Гатузо преговарал со Фиорентина, откаде му понудиле двегодишен договор, со моженост истиот да биде продолжен на уште една година. Медиумите во Италија тврдат дека тој, годишно би заработувал два милиони евра.

Џенаро Гатузо, во декември 2019 година го замени на клупата на Наполи, Карло Анчелоти, кој се пресели во Евертон. На крајот од сезоната тој успеа да го освои Купот на Италија.

Тренерската кариера ја започна во Милан во 2017 година.