Натпревар на Барселона откажан поради мигрантската криза

Мигрантската криза во Сеута, шпанска енклава во Северна Африка, негативно влијаеше на дипломатските односи на европската земја со Мароко, па затоа првиот тим на Барселона нема да патува таму на пријателски натпревар.

Тимот на германскиот стручњак Ханси Флик требаше да биде гостин на „Етихад Ријад“ во Танжер, но раководството на шпанскиот шампион донесе одлука да не патува, што можеше да се предвиди.

„Со оглед на моменталната неизвесност и околности, фудбалскиот клуб Барселона смета дека одржувањето на овој натпревар би било несоодветно“, објави клубот.

Шпанските власти објавија дека 70.000 луѓе се вратени во Мароко, а речиси 80 луѓе, вклучувајќи го и младиот марокански фудбалер Фатен Бен Амар Ел Азизи, се удавиле обидувајќи се да стигнат до шпанска почва.

Барселона одигра нерешено против Бирмингем 2:2, и беше подобра по изведувањето на пенали во првиот подготвителен натпревар пред следната сезона, а во Италија ќе игра против Нотингем Форест и Удинезе.

Овие два натпревари се закажани за овој викенд, а Барселона е домаќин на египетскиот гигант Ал Ахли во среда, 19 август.

Првиот официјален натпревар ќе биде во првото коло од Примера против Елче на гостински терен на 23 август во 21:30 часот.

Foto/ Depositphotos