Спорт
Навивачите на Јунајтед не ги сакаат газдите на клубот, Мегваер и Погба
Сопствениците на Манчестер јунајтед, семејствто Глејзер и фудбалерите Пол Погба и Мекгваер, од навивачите се означени како нај непожелни во клубот.
„Скај спорт“ организираше опсежна анкета во која гласаа навивачите на Манчестер Јунајтед. Едно од прашањата било што би промениле во својот клуб, а речиси сите од анкетираните се согласиле за овие три работи.
Имено, навивачите се во постојана војна со семејството Глејзер, кое го обвинуваат дека е директно одговорно за пропаста на славниот клуб.
Тие се критикувани поради фактот, што како американско семејство кое нема традиција да гледа фудбал како што тоа го прават Европејците, не ангажирало стручен кадар да раководи со клубот, туку се меша во сите одлуки. Навивачите кои негуваат специфично чувство кон клубот гледаат на семејството Глејзер како на некој што дошол да го заработи пари од она што тие искрено го сакаат, ангажирајќи непрофесионален персонал кој, како, да речеме, Ед Вудворд, служи само за да им направи разни финансиски комбинации.
Резултатот од неговата работа и е познат на добар дел од јавноста – деловните ангажмани со контроверзните менаџери, пред се со Мино Рајола, кој во одредени моменти го уценувал Јунајтед дека мора да ги купува неговите играчи за големи пари.
Еден од преплатените играчи и втор на оваа листа е Хари Мекгваер. Фудбалерот кој никогаш не покажа дека го заслужува епитетот „најскап дефанзивец во историјата на фудбалот“, редовно е на мета на навивачите и на Јунајтед и на репрезентацијата на Англија.
Многумина тврдат дека тој никогаш немаше да дојде во Манчестер, особено не за 85.000.000 евра доколку клубот не беше во неред.
Веднаш до Мекгваер е Пол Погба, фудбалер на кого по Јувентус ова му е втор ангажман на „Олд Трафорд“.
Навивачите очекуваа многу повеќе од него, очекуваа тој да биде „мозокот и срцето“ на тимот. Како стојат работите ова лето ќе ја промени средината.
Во анкетата, навивачите се согласни дека најдобар играч во тимот е Бруно Фернандеш.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.