Спорт
Не е само Новак! Тројца тенисери кои беа исфрлени за слични „прекршоци“
На тенискиот терен емоциите честопати тешко се контролираат и во тие моменти реакцијата на дел од спортистите носи до најтешката последица – исфрлање од меч.
Во неделата тоа му се случи на Новак Ѓоковиќ, кој беше во центарот на контроверзите откако неговото топче заврши во линиската судијка во мечот од четвртото коло против Пабло Карењо Буста и заврши со негова дисквалификација. Но има и други примери.
2017 ДЕЈВИС КУП, ДЕНИС ШАПОВАЛОВ (КАН)
Подраматично не можеше да биде. Велика Британија и Канада го играа одлучувачкиот меч во првото коло од Светската група во Дејвис купот. Млаиот Денис Шаповалов против Британецот Кајл Едмунд.
Откако губеше со два сета и во третиот, тогаш 17-годишниот Шаповалов во очај го удри топчето во височина, но тоа заврши во судијата на столче Арну Габас. Поточно во неговото лево око. Мечот беше прекинат, Британија стигна до победата, а Шаповалов дови 7.000 долар казна. Добрата работа – Шаповалов подоцна призна дека станал пријател со Габас.
2012 КВИНС КЛАБ, ДАВИД НАЛБАНДИЈАН (АРГ)
Давид Налбандијан го играше своето прво финале на тревната подлога од Вимблдон во 2002 против Марин Чилиќ. Работите одеа добро и тој го зеде првиот сет со 7:6(3), а и во вториот сет беше израмнето до тој седми гем (3:4).
Со две брејк топки, Чилиќ врати форхенд и направи брејк. Налбандијан бесот го искали на рекламата на „Најк“ покрај теренот. Но неговиот шут беше пресилен, и судијата покрај теренот доби исеченица на левата нога.
„Знаев дека направив грешка и дека ќе платам за тоа. Но, некогаш АТП прави грешки и те тера да играш на опасни подлоги без да плати за тоа“, изјави тогаш Налбандијан.
1995 ВИМБЛДОН, ТИМ ХЕНМАН (БРИ)
Пред да стане миленик на домашната публика, Тим Хенман во 1995 година како 20-годишник влезе во историјата на Вимблдон во мечот со двојки со неговиот партнер Џереми Бејтс. Против Џеф Таранго и Хенрик Холм при 1:1 во тај-брејкот во четвртиот сет, Хенман сервираше, а ретурнот на Таранго ја закачи мрежата. Хенман, немоќен, го удри топчето кое му беше во раката и топчето го закачи увото на девојчето кое собира топчиња, Керолин Хол.
Хенман и Бејтс станаа првите тенисери кои беа исфрлени од турнир во опен ерата.
„Се работеше за чист инцидент, но јас сум одговорен за моите постапки“, изјави потоа Хенман.
Следниот ден, Хенман дојде со букет за Хол и бакнеж. Хенман по инцидентот на Ѓоковиќ се потсети на случката.
„Нема сомнеж дека се работи за вистинска одлука и неверојатно е што и мене ми се случи нешто слично. Новак го удри топчето во знак на фрустрација, но мораш да бидеш одговорен за тоа. Нема алтернатива“, вели Хенман.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.
Спорт
Ла Лига од следната година ќе се игра во САД
Претседателот на шпанската Ла Лига, Хавиер Тебас, даде неколку интересни коментари во интервју за „Експансион“. Тамошната јавност најмногу ја коментира изјавата во која тој отворено призна дека навива за Реал Мадрид. Овој факт е познат одамна, но сега за прв пат е и јавно потврден. Тебас го откри овој детал коментирајќи ја приказната за доаѓањето на Килијан Мбапе во Реал.
Сепак, претседателот на една од најдобрите светски лиги донесе и по малку шокантна вест за сите љубители на традиционалниот фудбал. Имено, од сезоната 2025/26, некои натпревари од Ла Лига ќе се играат во Соединетите Американски Држави.
Тоа значи дека веќе следната година би можеле да го видиме првиот натпревар од шпанското првенство на американска почва.
„САД е втор најголем пазар за нас, веднаш по Шпанија. Тоа ќе ја зајакне нашата позиција таму. Другите европски лиги веќе работат таму и немаме избор, во спротивно ќе не избришат“, рече Тебас.
Инаку, уште во 2018 година имаше предлог да се игра каталонското дерби меѓу Барселона и Џирона во САД, но УЕФА го блокираше тој потег.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.