Спорт
Нејмар ќе биде ставен на трансфер-листата – ПСЖ ја одредил цената за Бразилецот
Неуспехот во Лигата на шампионите ги натера челниците на ПСЖ да направат целосна реконструкција на тимот во летниот преоден рок.
Според француските медиуми Ди Марија, Курзава, Паредес, Керер и Дракслер сигурно ќе го напуштат тимот, додека субината на Килијан Мбапе се уште е неизвесна. По завршувањето на сезоната младиот напаѓач ќе објави дали ќе остане во клубот или ќе се пресели во Реал Мадрид.
Бројни медиуми тврдат дека Лионел Меси ќе остане во клубот најмалку уште една сезона, додека на трансфер листата ќе биде ставен Нејмар.
ПСЖ, во 2017 година за рекордна сума од 222.000.000 евра го купи Нејмар од Барселона. Бразиелцот не го оправда вложеното, за пет сезони одигра само 141 натпревар. Најчесто не играше во клучниот дел од сезоната, во нокаут фазата во Лигата на шампионите.
„АС“ и „Скај спорт“, тврдат дека ПСЖ ја одредиле цената за Нејмар. Клубот ќе ги разгледа понудите кои нема да бидат помали од 90.000.000 евра.
Од друга страна Нејмар тврди дека е среќен во Париз и дека нема намера да го напушти клубот. Актуелниот договор на Нејмар со ПСЖ истекува за три години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.