Спорт
Нејмар: Уште еднаш Господ ме спаси од нешто посериозно
По стравувањата дека по повредата добиена во последните минути од мечот со Лион во неделата (кој ПСЖ го загуби со 0:1), Нејмар преку „Инстаграм“ се јави со порака дека повторно Господ му помогнал да избегне посериозни последици.
Нејмар во минатото имаше голем број повреди, кои го острануваа од мечевите во Лигата на шампионите, но сега првичните информации за фрактура на глуждот се покажаа како погрешни и тој, најверојатно, ќе може да игра против поранешниот клуб Барселона во осминафиналето на ЛШ.
„Можеше да биде многу полошо, но уште еднаш Господ ме спаси од нешто посериозно. Плачот во неделата беше поради болка, очај, страв, операција, патерици и други лоши сеќавања. Се надевам дека ќе се вратам што е можно побргу“, напиша Нејмар.
Неговиот татко, Нејмар Сениор, исто така на почетокот беше бесен на Тијаго Мендеш, кој можеше да има посериозни последици.
„Проклетство, колку долго ова мора да се случува? Дали ќе дозволуваме вакво насилство. Зошто да се чека до седмиот, осмиот или деветтиот фаул? Дали мора да гледаме на ВАР дали е црвен картон, дали некој е повреден?“, напиша Нејмар Сениор.
HORRIBLE foul by Thiago Mendes on Neymar.
Neymar left the game crying on a stretcher ? pic.twitter.com/8LjdSlmx74
— Neymar News (@Neymoleque) December 13, 2020
View this post on Instagram
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.