Франција, бранителот на светската титула, од првата позиција во групата Д, се пласираше во осмина-финалето. Французите, в недела од 16 часот за противник ќе ја имаат Полска.

И покрај изборениот пласман во осмина-финалето, француските медиуми тврдат дека атмосферата во националниот тим е далеку од идеална.

Според „Л’Екип“ и бројни други француски медиуми, дошло до раздор меѓу играчите, поради лошите игри на Бенжамин Павар. Усман Дембеле и уште неколку други играчи наводно барале од селекторот Павар да го пресели на клупата, поради лошата игра на првиот меч против Австралија.

во одбрана на Павар застанале најискусните, капитенот Иго Љорис и напаѓачот Оливие Жиру.

„Разговарав со Павар по натпреварот. Тој е играч кој работи неверојатно напорно и секогаш е мотивиран. Воопшто не сум загрижен за неговиот настап бидејќи знам дека ќе биде најдобар кога е најпотребно”, изјави клупскиот колега на Павар од Баерн, Кингсли Коман.

„Точно е дека тој и јас имавме многу жестока дискусија. Ќе средивме работите. Тоа се нормални ситуации во фудбалот на ова ниво. Што му кажав? Му реков дека е ужасен и тој е свесен за тоа”, откри францускиот селектор Дидие Дешан.

Германија доживеа уште едно мундијалско фијаско. Слично како и на минатото СП во Русија, селекцијата на четирикратниот светски првак не успеа да ја мине првата фаза. Сензационалната победа на Јапонија над Шпанија (2:1) ги елиминираше Германците од СП.

Јавноста е шокирана и разочарана, поради што само се редат критиките до селекторот Ханси Флик и неговите избраници.

Бастијан Швајнштајгер кој беше дел од шампионската генерација која во 2014 година ја освои светската титула, Мундијалот во Катар го работи како стручен коментатор.

Популарниот Швајни проблемот на Германија го лоцираше во дефанзивната линија. Според него Германија во тој дел од тимот не поседува вистински квалитет.

„Во одбраната имаме само еден дефанзивец со највисок квалитет, тоа е Тони Рудигер. Останатите се на пристојно ниво за Бундеслигата“, изјави Швајншајгер.

Флик на СП, во одбраната, покрај Ридигер најчесто ги користеше Зуле, кој трпи најмногу критики, односно Шлотенберг и Раум.

Фудбалскиот клуб Манчестер јунајтед размислува да ја продолжи соработката со напаѓачот Маркус Рашфорд.

Според „Дејли мирор“, клубот ќе ја активира клаузулата, која стои во договорот на Рашфорд. Јунајтед има опција автоматски да го продолжи договорот за уште една година.

Во тој случај тој ќе биде спречен да преговара со потенцијален нов клуб бидејќи неговиот актуелен договор истекува во летото 2023 година.

Рашфорд на 19 натпревари оваа сезона постигна осум гола и забележа три асистенции. Англија се пласира во осмина-финалето на мундијалот, а тој постигна три гола.

🚨 Manchester United will exercise the clause Marcus Rashford’s contract to extend it by 12 months and stop him talking to other clubs.

(Source: Daily Mirror) pic.twitter.com/inhDACcybn

— Transfer News Live (@DeadlineDayLive) December 1, 2022