Спорт
Неверојатниот план на Сити за Меси „тежи“ 700 милиони евра
Шкотскиот весник „Дејли рекорд“ излезе со наводни детали околу предложениот фудбалски и бизнис план на Манчестер сити за ангажирање на Лионел Меси од Барселона кој вкупно тежи фантастични 700 милиони евра во следните пет години.
Според весникот, Меси, кој останува на своето дека веќе не е фудбалер на Барселона, би поминал три сезони во Манчестер сити, пред да се пресели во другиот клуб на „Сити фудбал груп“ (ЦФГ), МЛС клубот Њујорк сити ФЦ. Исто така, Меси би добил и акции во ЦФГ како дел од договорот, иако е компликувано колку точно вреди компанијата која ја проценуваат на 4.8 милијарди долари и Меси би преферирал кеш.
Според нивните извори, 33-годишниот Меси го избрал Сити поради амбицијата да игра во Премиер лигата и проценката дека таму има најдобри шанси да освои нова титула од Лигата на шампионите под Пеп Гвардиола. Сити од друга страна би го добиле толку посакуваниот фудбалер кого неколку пати се обидоа да го донесат по влегувањето во европскиот фудбал пред 12 години.
Изворите тврдат дека Меси е крајно разочаран од однесувањето на Барселона во минатогодишниот преоден рок, кога сакаше да се обедини со Нејмар, додека клубот наместо тоа го донесе Антоан Гризман. Таткото на Меси, Хорхе Меси исто така со неуспехот за овој трансфер загубил 20 милиони евра и затоа тие не сакале да потпишат ново продолжување на договорот.
EXCLUSIVE! Lionel Messi's incredible Manchester City contract detailed as Barcelona superstar picks Pep Guardiola reunion for next move | @DuncanCastleshttps://t.co/iFZTSU0dzq pic.twitter.com/Kir9ezTxpz
— Daily Record Sport (@Record_Sport) September 1, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.