Милвоки Бакс забележаа победа над Далас Маверикс 112:109, во дербито на вечерта, во НБА лигата. Блескаа првите ѕвезди на двата тима, Јанис Адетокумбо и Лука Дончиќ, но мечот го реши Крис Мидлтон, кој во финишот погоди две тројки и реализираше две слободни фрлања.

Милвоки имаа предност од седум поени по првиот период, во вториот ја достигнаа највисоката разлика од 14 поени, а на полувреме негативата на Далас изнесуваше осум коша.

Далас се вратија во третиот период, се доближија на поен негатива, но Бакс со серија од осум коша, повторно се одлепија. На две минути до крајот Далас, благодарени на Дончиќ и Коли-Стајн, успеаја да стигнат до водство 103:105, но тогаш на сцена стапи Мидлтон кој постигна осум поени во низа.

На крајот Брук Лопез погоди едно од двете слободни, а Далас не успаја да постигнат тројка за продолжение.

Адетокумбо мечот го заврши со 31 поен и 9 скока, Мидлтон имаше 25 поени, 8 скока и 6 асистенции, а Лопез забележа по 11 поени и скокови.

Дончиќ го предводеше Далас со 28 поени, 9 скока и 13 асистенции.



Резултати:

Бостон-Орландо 120:97
Кливленд-Њујорк 106:103
Оклахома-Чикаго 127:125
Јута-Атланта 112:96
ЛА Лејкерс-Њу Орлеанс 112:95
Сакраменто-ЛА Клиперс 100:138

Џејмс Харден по 10 години го напушти Хјустон. „Брадата“, кариерата ќе ја продолжи во Бруклин Нетс.

Харден во финишот на минатата сезона кажа дека повеќе не сака да го носи дресот на Хјустон и побара да биде разменет во тим што има шампионски амбиции.

„Не сакав никого да навредам. Само кажав дека овој тим не може да се бори за титулата. Во овој момент од кариерата тоа е она што го сакам јас“, рекол Харден, истакнувајќи дека е елитен играч.

„Јас сум елитен играч, елитен лидер и елитен соиграч“.

Двократниот МВП во лигата ги минал медицинските прегледи во Бруклин, но се уште не тренирал со новите соиграчи.

Лацио со 3:0 ја уништи Рома во големото римско дерби со кое со отвори 18-тото коло во Серија А за да се доближи на само три поени од својот вечен ривал на табелата во Италија.

Во фуриозни први дваесетина минути, Лацио успеа да стигне до 2:0 водство со головите на Чиро Имобиле во 14. минута и на Луис Алберто во 23. минута за предност која потоа не ја испуштија до крајот. Алберто во 67. минута само го комплетираше супериорниот меч на тимот на Симоне Инзаги за лесна победа.

Рома пропушти шанса да се доближи до лидерите во Италија и останува трета со 34 поени, три помалку од второпласираниот Интер и веќе шест зад Милан. Лацио е на седмото место со 31 поен.