Спорт
Ниту еден европски клуб не е заинтересиран за Винисиус
Винисиус Жуниор и Реал Мадрид сè уште не постигнале договор, а како што стојат работите, на неговите менаџери нема да им биде лесно да постигнат договор со кој било друг клуб.
Ромен Молина, шпански новинар познат како точен извор на информации, откри дека менаџерите на Бразилецот „флертуваат“ со бројни клубови, дека се обиделе да го понудат за да истражат други опции и потенцијално да извршат притисок врз Реал за понатамошни преговори, но дека добиле негативен одговор на секоја адреса.
Желбата на Винисиус е да остане во Реал Мадрид, но не се откажува од тоа тој да ја преземе водечката улога во преговорите, што Флорентино Перез досега го избегнуваше.
Јасно е дека Перез, како и претходно, им дава до знаење на сите играчи дека никој не е над Реал Мадрид, што најмногу ги забавува преговорите. Винисиус бара годишна плата каква што има Килијан Мбапе, а тоа значи околу 30 милиони евра годишно. Според медиумите, Реал му нуди нешто повеќе од 16 милиони евра по сезона.
Молина пишува дека Челзи бил единствениот клуб кој бил споменат како заинтересиран, но дека „сините“ повеќе не се заинтересирани.
Винисиус нема да биде евтин, а неговата плата е исто така огромна. Решение на проблемот може да биде Саудиска Арабија. Тамошните клубови без проблем можат да ги исполнат финансиските барања на Бразиелцот.
Сега на потег е и Флорентино Перез, кој не смее да дозволи да биде толку лесно да остане без првата ѕвезда, особено поради фактот што Родриго е сериозно повреден и нема да биде на теренот до 2027 година.
Foto/ Depositphotos
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вардар е шампион на Македонија
Фудбалерите на Вардар на ја освоија шампионската титула, 12-та во клупската историја и прва по пауза од шест години. Во пресрет на последното коло, Вардар, стекна недостижна предност во однос на сега поранешниот првак, Струга Трим Лум.
За да ја обебеди титулата во 32-то коло, на Вардар му беше потребен бод во Струга. Црвено-црните ги освоија трите.
Славеа минимална победа со голот на Цетковиќ во петтата минута.
Вардар во сезоната 2026/ 2027 ќе игра во квалификациите за пласман во Лигата на шампионите.
Табела:

Спорт
Дубаи се заканува со повлекување од АБА лигата
Драмата околу враќањето на кошаркарскиот клуб од Дубаи во татковината продолжува. Клубот од Обединетите Арапски Емирати се заканува дека ќе ја напушти АБА лигата.
Дубаи се пресели да игра во Сараево поради војната на Блискиот исток, но по испаѓањето од Евролигата одлучи да се врати во Обединетите Арапски Емирати.
„Во договор со лигата, испративме писмо до Клуж и Будуќност за да разјасниме дали имаат административни пречки да патуваат во Дубаи, бидејќи тие не одговорија до вторник напладне, објавивме дека се враќаме дома. Будуќност подоцна зазеде став дека не се согласува со тоа, односно дека не сака да игра натпревари во Дубаи затоа што некои играчи не сакаат да дојдат“, тврди неименуван извир на „Спортал“.
Тимот се врати во ОАЕ, а во меѓувреме, АБА лигата одлучи Дубаи да продолжи да игра на неутрален терен.
Наводно, клубот верува дека челниците на АБА лигата направиле грешка затоа што наместо писмо, требало да организираат состанок со клубовите, каде што ќе разговарале за враќањето на Дубаи во татковината.
Соговорникот на споменатиот извор тврди дека Дубаи очекува промена на одлуката, и дека доколку тоа не се случи, сигурно ќе ја тужат лигата, што би довело до потенцијална разделба.
Foto/ ABA league
Спорт
Нојер ќе брани за Германија на СП
Легендарниот германски голман Мануел Нојер (40) е на проширениот список на Јулијан Нагелсман за претстојното Светско првенство, а според германските медиуми, договорено е неговото враќање во репрезентацијата по пензионирањето во 2024 година.
Наводно, селекторот и голманот на Баерн се сретнале и се согласиле Нојер да се врати во репрезентацијата.
Сепак, ова наводно не му гарантира место меѓу 26-те патници на Светското првенство, а конечниот список треба да биде објавен на 21 мај.
Нојер се збогува со репрезентацијата во 2024 година откако беше елиминиран од Шпанија во четвртфиналето на Европското првенство.
Тешко е да се очекува дека Нојер ќе оди на СП за да биде втор или трет голман и ако е на списокот, јасно е дека ќе биде „единицата“ на Германија.
Во тој случај, цехот би го платил голманот на Хофенхајм, Оливер Бауман, кој беше виден како стартер за „Панцерите“ на Светското првенство.
Германците ќе бидат дел од групата Е на Светското првенство, а нивни ривали ќе бидат Брегот на Слоновата Коска, Еквадор и Курасао.
Foto/ Depositphotos
