Спорт
Нов пораз на Далас – Јанис подобар од Лука
Кошаркарите на Милвоки Бакс, во дербито, славеа победа над Далас Маверикс 124:115. Милвоки со 14 победи и пет порази се втори на Истокот, Далас се 11. на Западот со девет победи и 10 порази.
Милвоки, до победата ги предводеше трилингот: Јанис Адетокумбо со 30 поени (11/19 од поле), 11 скока и 4 асистенции, Грејсон Ален со 25 и Џру Холидеј со 16 поени со 6 асистенции.
Во четвртиот последователен пораз на Далас, Лука Дончиќ повторно беше најефикасен со 27 поени (10/20 од поле, 3/7 за три), а за 35 минути имаше уште 5 скока и 12 асистенции.
Кошаркарите на Бостон го победија тимот на Вашингтон со 130:121, без повредениот Џејсон Тејтум.
Џејлен Браун го предводеше Бостон до 16. победа со 36 поени, Малколм Брогдон додаде 17, а Дерик Вајт 15 поени.
Во поразениот тим најдобар беше Бредли Бил со 30 поени, а Кристапс Порзингис постигна 21.
Мајами победи на гостински терен против Аталанта со 106:98 и со тоа ја прекина серијата од седум натпревари без победа на гости.
Најзаслужен за победата на Мајами беше Бам Адебајо со 32 поени, од кои 14 постигна во третата четвртина, додека Тајлер Хиро постигна 11 поени со 11 скока и 10 асистенции.
Филаделфија беше убедлива против Орландо на гостински терен, победувајќи со 133:103 без Џоел Ембиид и Џејмс Харден.
Натпреварот го одбележаа Шејк Милтон со 29, Тобијас Харис со 25 поени и Фуркман Коркмаз со 17 поени.
Кливленд го победи Детроит со 102:94, а Мемфис слевеа во Њујорк 127:123.
Џа Морант блескаше со 27 поени, 10 скока и 14 асистенции. На другата страна Џејлен Брунсон постигна 30 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.