Лацио со 3:0 ја уништи Рома во големото римско дерби со кое со отвори 18-тото коло во Серија А за да се доближи на само три поени од својот вечен ривал на табелата во Италија.

Во фуриозни први дваесетина минути, Лацио успеа да стигне до 2:0 водство со головите на Чиро Имобиле во 14. минута и на Луис Алберто во 23. минута за предност која потоа не ја испуштија до крајот. Алберто во 67. минута само го комплетираше супериорниот меч на тимот на Симоне Инзаги за лесна победа.

Рома пропушти шанса да се доближи до лидерите во Италија и останува трета со 34 поени, три помалку од второпласираниот Интер и веќе шест зад Милан. Лацио е на седмото место со 31 поен.

Унион Берлин, едно од најпријатните изненадувања оваа сезона во германската Бундеслигата, стигна до доцна 1:0 победа над Баер Леверкузен во првиот меч од 16-тото коло во Германија за да се искачи на четвртото место на табелата, сега со само еден поен заостанување зад Леверкузен.

Човек на одлука за Унион беше 24-годишниот напаѓач Седрик Тојхерт, кој прво во 49. минута имаше нешто што им успеало на малку фудбалери во историјата – совршена шанса во која успеа да ги погоди двете стативи со еден удар. Сепак, во 88. минута тој се „поправи“ и го постигна единствениот гол на мечот.

Откако Баер на стартот на сезоната беа на првото место во Германија со одлична низа на резултати, тимот на холандскиот стратег Петер Бос сега има четири меча без победа – односно три порази и едно реми.

Со поразот, Леверкузен останува на третото место на табелата со 29 поени, четири помалку од лидерот Баерн и два зад второпласираниот РБ Лајпциг, кои викендов ги играат своите мечеви. Унион Берлин, пак, е веднаш на четвртото место со 28 поени, еден повеќе од Борусија Дортмунд.

#BUNDESLIGAxTLT | ¡AL PALO! 😩

⏰ 50’ @fcunion 0 – 0 @bayer04fussball

Remate de Cedric Teuchert, el balón pega en el poste. ¡Cerca el Union Berlin! 🔥

Míralo por acá: https://t.co/FAUYaP4VFC pic.twitter.com/ptQFFN7Va4

— TLT ¡La Tele Tuya! (Desde 🏠) (@LaTeleTuya) January 15, 2021

Демократска Република Конго (поранешен Заир), дебитираше на Светските првенства во ракомет во Египет, откако загубија со 28:22 од Аргентина, иако имаа предност од 14:13 по првото полувреме, но најголемо внимание предизвика еден нивни ракометар – пивотот Готие Мвумби Тјери, кој беше посебно импресивен.

Ракометарот на францускиот второлигаш Дреу, Мвумби има 192 сантиметри, и според клубот 110 килограми, иако фотографиите можеби покажуваат нешто повеќе. Мвумби постигна четири гола за ДР Конго.

watched the Handball World Championship and discovered my new all-time favorite athlete: Gauthier Mvumbi, who scored 4 goals today for DR Congo against Argentina.
My man is UNSTOPPABLE once he gets the ball.
THRIVE, BIG MAN, THRIVE pic.twitter.com/SCe172wVzS

— Rodger Sherman (@rodger) January 15, 2021