Спорт
„Новак ни кажа дека става крај на кариерата. Сите плачевме“
Јелена Ѓоковиќ открила дека најдобриот тенисер во светот Новак Ѓоковиќ на семејството му соопштил дека става крај на кариерата. Ова се случило пред две години по тешкиот пораз од Беноа Пер во второто коло на Мастерсот во Мајами.
Ѓоковиќ во 2018 година се врати по операцијата на лакотот. На Австралија опен испадна во четвртото коло меѓутоа губеше во првите мечеви на мастерс турнирите во Индијан Велс и Мајами.
„Ми кажа дека го напушта тенисот. Доживеа тежок пораз во Мајами. Не собра и ни порача дека завршил со тенисот. Дури му кажа на Едоард Аталди да разговара со спонзорите, за да биде јасна ситуацијата бидејќи не знае дали ќе прави пауза од шест месеци или година или засекогаш ќе замине од тенисот“, рекла Јелена Ѓоковиќ во разговор со Греем Бесинџер.
„Сите плачевме, му кажавме дека не е време за такво нешто“.
Наредните десет дена семејството Ѓоковиќ го минало на одмор.
„Кога Новак ќе реши дека не сака да игра тенис тоа значи дека не сака ниту да гледа, не сака да има врска со тоа. А јас сакам да играм. Ги зедов децата да играат со мене. Третиот или четвртиот ден дојде на теренот. Стефан и јас се забавувавме. Не беше како на неговите тренинзи. Виде дека уживаме и не праша дали може и тој да добие рекет. Му кажав дека не може бидејќи завршил со тенисот. Се шегував со него. Тогаш Стефан го викна и тој свати дека добро се чувствува на теренот. Игравме малку, а потоа започна да доаѓа секој ден“, раскажува сопругата на Ѓоковиќ.
„Последниот ден беше целосно подготвен ми кажа: ‘Ќе го повикам Марјан, ќе го прашам да се врати повторно да ми биде тренер. Тие десет дена тој беше пензиониран, чувствуваше дека повеќе нема да игра тенис. Тоа беше годината по операцијата, немаше трпение, а немаше ниту резултати. Брзаше да се врати, а се повеќе паѓаше. Тој е како Феникс кој наоѓа мотивација.“
Ѓоковиќ до крајот на 2018 година ги освои Вимблдон и Ју-Ес опен, а победи и на мастерс турнирите во Синсинати и Шангај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.