Денес ширум светот се одбележува Интернационалниот ден на Фудбалот и Пријателството. Оваа година, овој ден се одбележа во училишта и спортски академии во повеќе од 50 земји во Европа, Азија, Африка и Јужна Америка. Во одбележувањето на Интернационалниот ден на Фудбал и Пријателство се приклучија повеќе од 40.000 учесници во рамки на над 200 настани. Во дел од земјите учеснички во проектот се одржаа едукативни сесии и отворени предавања со цел поттикнување на позитивни човекови вредности кај младата популација преку фудбалот и спортските активности. Во Русија, овој интернационален ден беше одбележан во училиштата, фудбалските академии и клубови во единаесетте градови – домаќини на ФИФА Светското Првенство кое се одржа во Русија лани. Активностите кои се реализираат по повод овој ден вклучуваат средби, тренинзи и пријателски фудбалски натпревари во кои учество заземаат Младите Амбасадори – учесници во интернационалната општествено-одговорна програма на компанијата “Газпром“ наменета за деца – „Фудбал за Пријателство“.

Во Македонија, Младите Амбасадори Милош Спасовски, Борјан Томовски, Лука Јаневски и Калина Василевска разговараа со децата од Младинската Фудбалска Школа на ФК “Вардар“ за мисијата и деветте вредности кои ги промовира проектот – пријателство, еднаквост, фер-плеј, здравје, мир, посветеност, победа, традиција и чест. Воедно, на средбата присуствуваше и легендата на фудбалскиот клуб “Вардар“ и сегашен тренер на голманите во младинските категории на овој клуб, Слободан Мутибариќ. Тренерот со

Младите Амбасадори и присутните деца го споделија своето лично искуство од теренот напоменувајќи дека спортувањето од рана возраст е важно, но покрај негувањето на талентот и физичката подготовка за професионално развивање како фудбалер, подеднакво важни се и суштинските вредности кои се пренесуваат преку фудбалот. Дополнително, Мутибариќ разговараше со децата за улогата на тренерите преку пренесувањето на вештини за развој на добри спортисти и квалитетни фудбалери, истовремено поттикнувајќи ги да бидат подобри луѓе, тимски играчи, да ги почитуваат останатите без разлика на различностите и да бидат пример за останатите. Како потсетник за секојдневна примена на клучните вредности на овој проект, Младите Амбасадори им подарија на присутните деца Алки на Фудбалот и Пријателството – симбол на проектот и вредностите кои ги поттикнува. Покрај нив, на фудбалскиот терен, во знак на поддршка на проектот, присуствуваа и минатогодишните учесници – Ева Јакимовска и Максим Цониќ.

„Одбележувањето на овој Интернационален ден на Фудбалот и Пријателството е потврда за континуираната потреба на развивање и надоградување на младинскиот спорт, а воедно и можност за потсетување на најважните вредности кои сите ние треба да ги применуваме – на теренот и пошироко. Зачувувањето на традициите, создавањето нови, пренесувањето на искуството и знаењето на новите генерации се само дел од суштинските елементи за професионален развој и успех во секое животно поле.“ – изјави Слободан Мутибариќ.

„За нас, како Млади Амбасадори – учесници во овогодинешната сезона на проектот ‘Фудбал за Пријателство’ е навистина важно да ја пренесеме клучната порака на проектот помеѓу нашите другари, пријатели и познаници. Ни претставува вистинско задоволство да сме вклучени во ваква меѓународна програма, во чии рамки, се надеваме дека ќе допринесеме за поттикнувањето и негувањето на позитивни вредности кај новите генерации во нашата земја.“, изјави Калина Василевска, млад новинар, во име на младите амбасадори.

Интернационалниот Ден на Фудбал и Пријателство (25. Април) за прв пат бил одбележан во 2014 година од страна на младите амбасадори на Интернационалната Детска Општествено-одговорна програма на компанијата Газпром – „ФУДБАЛ ЗА ПРИЈАТЕЛСТВО“. Во текот на овој ден сите кои ги поддржуваат клучните вредности презентирани и поддржани од оваа програма, како: еднаквост, почит за другите култури и мир, одржуваат пријателски натпревари, работилници, средби со познати фудбалери и најразлични активности. Дополнително, учесниците во активностите разменуваат сино-зелена Алка на Пријателството, чија сина нишка го симболизира мирното небо, а зелената – фудбалскиот терен, пристапен за секого.

Првиот Интернационален Ден на Фудбалот и Пријателството беше нпретставен од страна на Младите Амбасадори на проектот “Фудбал за Пријателство“, покренат од компанијата Газпром во 2014 година. Од самиот почеток, оваа светска манифестација е поддржана и посетена од голем број познати светски фудбалски ѕвезди како Бранислав Ивановиќ (Branislav Ivanovic), член на репрезентацијата на Србија и одбранбен играч во ФК “Зенит“ од Санкт Петерсбург, неговиот тимски колега – рускиот голман Јури Лодугин (Yuri Lodygin) како и од холандскиот напаѓач Дирк Кујт (Dirk Kuyt) од ФК “Фејенорд“ (Ротердам) и прославениот фудбалски ас од Брегот на Слоновата Коска – Дидиер Дрогба (Didier Drogba), познатиот португалски голман Витор Баја (Vitor Baia) и други ѕвезди.

Започнувајќи од 2013 година, Акционерското Друштво „Газпром“ ја организира Интернационалната Општествено-Одговорна програма за деца „Фудбал за Пријателство“. Клучните вредности промовирани од учесниците во програмата вклучуваат пријателство, еднаквост, праведност, здравје, мир, посветеност, победа, традиција и чест. “Фудбал за Пријателство“ е подржан од ФИФА, УЕФА, Интернационалниот Олимписки Комитет, Фудбалските Федерации од различни држави, Интернационални Детски Добротворни Фондации, како и од светските водечки фудбалски клубови. Во текот на изминатите шест сезони проектот обедини над 5.5 илјади учесници, а истиот е следен од повеќе од 4.5 милиони луѓе, меѓу кои и познати спортисти, уметници и авторитети.

Тренерот на Реал Мадрид, Зинедин Зидан, рекол дека е задоволен од она што неговите фудбалери го прикажале против Хетафе, незадоволен бил само од резултатот.

Реал, во 34 коло гостуваше кај градскиот ривал Хетафе, дуелот на „Алфонсо Перез“ стадионот заврши без голови.

„Одигравме добар натпревар, жал ми е што заврши без голови, мислам дека заслуживме повеќе. Имавме шанси да постигнеме гол. Поради тоа ме сум нервозен, ремито е фрустрирачко за нас. Задоволен сум од моите фудбалери, играа добро. Добро се браневме, но од друга страна не постигнавме гол. Не сум задоволен со овој резултат“, рекол Зидан.

Реал на табелата има 65 бода, десет повеќе од Хетафе на четвртото место. Лидер на табелата е Барселона со 80 бода, а втори се Атлетико со 71. Во наредното коло Реал ќе гостуваат кај Рајо Валјекано, а Хетафе патува во Сан Себастијан кај Реал Сосиедад.

Легендарниот кошаркар на Бостон Селтикс, Џон Хавличек, почина на 80 годишна возраст. Со оваа франшиза, Хавличек, освоил осум шампионски титули во НБА лигата. Тој е член на „Куќата на славните“ во Спрингфилд.

Бостон го драфтувале Хавличек како седми пик во 1962 година, во клубот останал до 1978 година. Бил МВП на финалната серија во 1974 година.

„Џон Хавличек е еден од играчите на Бостон што постигнале најмногу, во важните моменти за клубот тој бил лицето на франшизата. Беше голем шампион на теренот и надвор од него, освоил осум титули и бил МВП на финалето. Рекордер е на Селтикс според бројот на постигнати поени и одиграни натпревари. Тој е еден од 50 најдобри играчи во историјата на НБА лигата, член на „Куќата на славните“. Во секој момент беше вистински шампион“, се наведува во соопштението на Бостон Селтикс.

It is with great sadness we have learned that Celtics Legend and Hall of Famer John Havlicek has passed away peacefully today at the age of 79. He will be dearly missed by his Celtics family.

A statement from the Celtics: https://t.co/yqOkZPkbej pic.twitter.com/xlUCKjbKvg

— Boston Celtics (@celtics) April 26, 2019