Спорт
Од „нула“ до херој – Унаи Симон беше „џокер“ за Шпанија
Голманот на Атлетик Билбао, Унаи Симон беше предмет на потсмев на шпанските навивачи по смешниот автогол кој го постигна во осминафиналето против Хрватска, но по вечерва, тој е херој на „Фуријата“ по пенал драмата против Швајцарија.
Селекторот Луис Енрике беше под притисок да го смени Симон со Давид де Хеа пред мечот со упорните Швајцарци, но тој реши да го остави Симон како стартер и да му ја даде целосната доверба во драматичниот меч кој заврши 1:1 по 120 минути.
Кога почна пенал-серијата и Серхио Бускетс ја погоди стативата, шпанските фанови сметаа дека работата е завршена, но тогаш на сцена стапи херојот на „Ла роха“. Никогаш наградата за човек на мечот не била позаслужена.
? Unai Simón. That’s how you react to a setback ???#EURO2020 | #EUROSOTM | @Heineken pic.twitter.com/RKykuBwqbF
— UEFA EURO 2020 (@EURO2020) July 2, 2021
What in the world!
Unai Simon’s unexplainable blunder rewards Croatia… Pablo Sarabia levelled up for Spain so it’s one all at Halftime #euro2020 #croatia ?? #spain ?? #football #SportsFocusGroup pic.twitter.com/AMrDnkBpyr
— SportsFocusGroup (@Sports4cusGroup) June 28, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – Бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.