Спорт
Од рацете на Коракаки олимпискиот факел ќе тргне кон Токио
Ана Коракаки прва ќе го понесе олимпискиот факел кон Токио. Ова ќе биде прв пат во историјата жена да биде првиот носител на факелот на патот од Атина до домаќинот на Игрите.
Ана Коракаки на 12 март ќе присуствува на церемонијата на палењето на факелот на планината Олимп. Кога свештеникот Ксанти Георгиу ќе го запали факелот, тогаш олимпискиот факел ќе го преземе Коракаки и ќе го започне патот кон Токио, соопштено е на официјалната страница на Олимписките игри.
„Исклучителна чест. Навистина сум воодушевена и сигурна сум дека тоа чувство ќе биде уште посилно кога ќе пристигнам во древната Олимпија“, рекла светската првенка во стрелаштво.
Коракаки на Олимписките игри во 20106 година, во Рио де Жанеиро, освои злато во дисциплината воздушен пиштол на 25 метри и бронзен медал во истата дисциплина на 10 метри.
„Историски момент, прв пат во историјата жена прва ќе го понесе факелот. Ова е награда за нејзините успеси“, рекол првиот човек на Олимпискиот комитет на Грција.
Откако факелот ќе биде запален во Олимпија, тој осум дена ќе патува низ Грција. Потоа, на Олимпискиот стадион на 19 март, ќе биде предаден на тимот од Токио.
Олимписките игри во Токио ќе започнат на 24 јули.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.
Спорт
Инзаги по освојувањето на титулата: Неверојатно чувство, момците се исклучителни
Со победата од 2:1 над градскиот ривал Милан, фудбалерите на Интер синоќа ја освоија 20. титула во италијанската Серија А и ја сошија втората ѕвезда над грбот на својот клуб.
Интер ја круниса доминантна сезона во Италија и на пет кола до крајот има 17 бода повеќе од Милан.
„Нероаѕурите“ беа убедливи во текот на целата сезона, на 33 натпревари претрпеа само еден пораз, и тоа на домашен терен од Сасуоло.
Тренерот Симоне Инзаги конечно стигна до Скудетото во неговата трета сезона во Интер.
Едвај ја задржа работата на крајот од првата сезона, кога во финишот на сезоната 2021/2022. му ја предаде титулата на Милан, но минатата сезона го одведе Интер до финалето на Лигата на шампионите, а сега ја освои Серија А.
„Неверојатно е чувството, постигнавме нешто извонредно. Има многу протагонисти во овој успех. Пред се, играчите, исто така и директорите, а потоа и Стивен Жанг, за се што ни овозможи на ова патување. Моите мисли одат и кај моето семејство, сопругата и децата, родителите… Мојата мана е што понекогаш не можам да ја напуштам работата и да ја носам дома, но моето семејство е основата на сè“, рече Инзаги.