Спорт
Одбраната на Aрсенал како сирење, „граѓаните“ пукнаа петарда во таборот на Артета!
Катастрофалното прво полувреме на „топчиите“ на „Итихад“ попладнево ги чинеше нов пораз во Премиерлигата – трет за нив во исто толку натпревари во новата сезона.
Манчестер Сити го порази Арсенал со 5:0 во првиот меч од ова коло во ПЛ. Резултатот и не е толку катастрофален како што изгледаше лондонскиот клуб во Манчестер. Процентот на посед на топка беше 80-20 во однос на домаќините, а упатените удари во рамките на двата гола изнесуваа 10-0 во корист на „граѓаните“.
Избраниците на Микел Артета уште во првите 45 минути го загубија мечот. Примија три релативно наивни голови, а згора на тоа останаа и со човек помалку на теренот по црвениот картон на Гранит Џака во 35 минута (остар старт).
Арсенал го почна мечот офанзивно, но по двете почетнички грешки во 7. и во 12. минута, фудбалерите на Сити, Гундоган и Феран Торез знаеја како да казнат и веќе на семафорот стоеше 2:0.
По црвениот картон на Џака работата за „топчиите“ дополнително се искомпликува, а до крајот на полувремето Габриел Жесус со погодокот во 43 минута ги испрати гостите со наведнати глави во соблекувалната.
И второто полувреме по веќе видено сценарио.
Феран Торес сега во улога на асистент, го послужи Родри со една топка на работа на шеснаесетникот во 53 минута, а овој бие прецизно за превисоки 4:0.
Сепак, младиот шпански фудбалер и по вторпат се запиша во листата на стрелците и тоа во 84 минута. Сега асистент беше Ријад Марез за конечни 5-0.
Екипата предводена од Пеп Гвардиола по стартниот пораз од Тотенхем (1-0) се врати во живот со две убедливи победи на свој терен. Освен денешната над Арсенал, минатото коло со 5-0 настрада и Норич.
Арсенал пак, по 270 минути во ПЛ се уште нема постигнато погодок, а голманите на „Топчиите“ деветпати ја вадеа топката од мрежата, (по двапати на дуелите со Брентфорд, односно Челси).
Се тресе ли клупата на Микел Артета?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…