Спорт
Одмазда за „Вембли“ – Данецот го „собра“ Британецот, па гo пцуеше
Обвинувањата за мамење и лошите односи меѓу данскиот и британскиот велосипедски тим завршија со контроверзен судир и елиминација на британскиот тим од пурсуит финалето.
И пред стартот на трката, повеќе тимови се пожалија дека Данците ги прекршуваат правилата, откако на својата потколеница ставија лента наводно поради повреда, иако според УЦИ не смее да се користи никаков материјал на кожата кој не е облека.
Во трката, Британците поведоа пред да бидат стигнати од Данците, пред Чарли Тенфилд да заостане за Британците, а Фредерик Мадсен се удри во него. Наместо да ја признае вината Мадсен почна да вреска кон Тенфилд и да го пцуе. УЦИ половина час решаваше дали да ги казни Данците, пред да потври дека тие ќе се борат за златото во финалето против Италија.
Мадсен тврдеше дека не викал кон Тенфилд.
„Бев уморен, не знаев дали е на 10 или на 20 метри од мене. Се надевам дека Чарли е океј, бидејќи не викав на него, туку на ситуацијата“, изјави Мадсен.
Многумина сметаат дека ова е „слатка одмазда“ на Данците за „украденото“ полуфинале на ЕВРО 2020, кога со сомнителен пенал Англичаните стигнаа до 1:0 победа.
Wenn die Goldträume (möglicherweise) von einem Moment auf den anderen platzen ??
Brutales Ende für den 4er der Dänen auf der letzten Runde in der Mannschaftsverfolgung.Frederik Madsen fährt in den zurückgefallenen Charlie Tanfield rein…
Noch keine Entscheidung von der Jury pic.twitter.com/FDFbgH5zky
— René Bugner (@RNBWCV) August 3, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.
Спорт
Јувентус најде тренер за следната сезона
Болоња е хитот на сезоната во Серија А. Тимот кој од клупата го предводи Тиаго Мота се бори за место во Лигата на шампионите. Она што е извесно е дека Мота на крајот од сезоната ќе ја напушти Болоња.
Медиумите на Апенинскиот полуостров го поврзуваа со Милан, но тоа нема да се случи. Поранешниот фудбалер на Интер, во овој момент е најблиску до клупата на Јувентус.
Мота ќе го наследи Масимилијано Алегри од чија работа во клубот од Торино не се задоволни.
До пред два месеци Јувентус се тркаше со Интер за шампионската титула, но откако на последните осум натпревари „старата дама“ забележа една победа, тимот на Алегри сега се бори за второот место со Милан.
Наводно, челниците на Јувентус и Алегри спогодбено ќе го раскинат неговиот договор кој важи до јуни 2025 година. За да се реализираа ова работа, двете страни треба само да ја договорат оштетата која ќе му биде исплатена на тренерот.