Формирањето на фудбалската Суперлига го здрма фудбалскиот свет откако се открија детали за начинот на натпреварување, но и на финансирање.

Реакцијата на поголемиот дел од фудбалските навивачи беше бесна. Се очекуваше ставот на кормиларот на Манчестер Сити – Пеп Гвардиола затоа што „граѓаните“ се еден од основачите на Суперлигата.

Гвардиола признава дека лига без испаѓање не е спорт, но рече дека засега не е запознаен со деталите.

„Искрено, ние тренерите на овие екипи не сме вистинските луѓе кои треба да коментираме, затоа што само претседателот на тој комитет има јасна идеја за иднината на фудбалот. Јас можам да го дадам своето мислење. Не е спорт кога не постои однос помеѓу напорот и успехот. Не е спорт ако успехот е загарантиран и не е спорт ако не е битно дали победувате или губите. Би сакал претседателот на оваа група на целиот свет да му објасни зошто е ова направено. Не знам зошто се одбрани баш овие тимови, Ајакс има 4 титули шампион на Европа, каде се тиа“ – рече Гвардиола.

Шпанскиот тренер смета и дека „Не е фер еден тим да се бори да дојде до врвот и тогаш да не може да се пласира затоа што успехот им е загарантиран на неколку клубови“.

Српскиот ватерполист Немања Убовиќ е суспендиран од шпанската екипа Сабадел затоа што во тек на натпревар го нарекол пе.ер ватерполистот на Тераса, Виктор Гутиерес кој пред неколку години и откри на јавноста дека е хомосексуалец.

„Убовиќ нема да биде дел од тренинзите и натпреварите се додека не се реши овој случај. Постојат спротивставени верзии и клубот работи на решавање на случајот, Клубот најостро осудува било какви хомофобни, ксенофобни или расистички изјави на свои играчи“ соопштија од шпанскиот ватерполо клуб.

Гутиерес чекал српскиот ватерполист да му се извини. Тој тврди дека навредите ги слушнале и играчите, но и луѓето на трибините. Тој, наводно, се расплакал по инцидентот.

„Ме нарече пе.ер, но на тоа поради тензиите во базенот не му дадов значење. Можеби така сакал да го дестабилизира ривалот. Меѓутоа, по натпреварот не сакав да се ракувам со него, а тој повторно ме нарече пе.ер. Тогаш разбрав дека постоела јасна намера да ме навреди. Не сакав повеќе да молчам и да ја кријам хомофобијата во спортот. Мора да се реагира“ рече Гутиерес.

View this post on Instagram

A post shared by Víctor Gutiérrez (@victor_g91)

Претседателот на Реал Мадрид, Флорентино Перез, ги демантирал медиумските шпекулации околу враќањето на Кристијано Роналдо.

Роналдо, во 2018 година, за 100 милиони евра го напушти Реал и се пресели во Јувентус.

„Тој нема да се врати во Реал. такво нешто не би имало смисол. Многу го сакам Кристијано, многу има дадено за Реал, но тој има договор со Јувентус. Приказните за негово враќање се без врска“, рекол Перез.

Открил какви пораки добива од навивачите кога ќе го сретнат на улица.

„Му порачуваат да го купам Мбапе. Мислам дека на Реал му се потребни промени. За десет години освоивме многу трофеи, но треба да ги раздвижиме работите. Работам на тие планови. Оваа година наместо 900 ќе имаме приходи од 600 милиони евра. И во 2000 година кога дојдов во Реал имавме многу проблеми. Ќе направам се Реал да остане на сегашните позиции“.

На крајот, Перез, рекол дека преговорите со Серхио Рамос биле тешки и дека одлуката дали капитенот ќе замине ќе биде донесена на крајот од сезоната.