Спорт
Озил се повлекува од фудбалот по „раскинот“ со Башакшехир?
Турските медиуми тврдат дека поранешниот германски репрезентативец, Месут Озил решил да стави крај на професионалната кариера, откако неговиот договор со Истанбул Башакшехир беше раскинат, со што тој се разделува на „непријателска“ база со трет клуб едноподруго.
И покрај тоа што играше 45 минути при 1:0 поразот од Кајзериспор во четвртокот, Озил денеска не се појавил на тренинзи, тврди новинарот Јакуп Џинар, кој додава дека тој им кажал на соиграчите дека ќе се пензионира. Озил имаше четири настапи во Турција оваа година.
34-годишниот Озил ја почна кариерата со Шалке, пред да се пресели во Вердер, па потоа да направи голем трансфер во Реал Мадрид, со кои освои една титула од Ла лига, пред Арсенал да го купат во 2013 за 43 милиони фунти. Тој помина седум и пол години со „топчиите“, освојувајќи три титули од ФА купот пред да влезе во конфликт со менаџерот Микел Артета и клубот да му го раскине договорот за тој да премине во Фенербахче. Ниту во Турција, работите не одеа како што треба, тој беше суспендиран од Фенер и си замина (со раскин на договорот) во Башакшехир.
И со Германија, неговата кариера беше бурнаа. Тој имаше 23 гола во 96 настапи за „маншафт“ освојувајќи ја светската титула во 2014 година, но се повлече во 2018 со обвинувања до федерацијата дека постои дискриминација поради неговото турско потекло.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Познати сe полуфиналните термини во Лигата на шампионите
Пари Сен Жермен, Борусија Дортмунд, Баерн Минхен и Реал Мадрид се пласираа во полуфиналето, во Лигата на шампионите.
Познато е дека во полуфиналето ќе се сретнат Пари Сен Жермен и Борусија Дортмунд, односно Баерн Минхен и Реал.
Домаќини на првите натпревари ќе бидат германски клубови, додека реваншите ќе се играат на „Паркот на принцовите“ во Париз и на „Сантијаго Бернабеу“ во Мадрид.
Полуфиналните натпревари се закажани за 30 април и 1 мај, а реваншите на 7 и 8 мај.
Сите натпревари започнуваат во 21:00 часот.
Финалето на Лигата на шампионите е на 1 јуни на стадионот „Вембли“ во Лондон.
Спорт
Де Роси ќе ја води Рома и следната сезона
Даниеле Де Роси и следната сезона ќе остане на клупата на Рома. Поранешниот капитен ги оправда очекувањата и на навивачите и на клупските челници.
Поранешниот италијански репрезентативец, функцијата ја презеде од Жозе Мурињо, кој доби отказ во јануари по поразот од Милан (1:3).
Де Роси ја донесе Рома на петтото место на табелата, кое според сегашната ситуација треба да го одведе тимот во Лигата на шампионите, бидејќи Италија во моментов води на УЕФА рангирањето на најдобрите клубови и со тоа би добила уште едно место во елитното европско клупско натпреварување.
Исто така, Рома е и во четвртфиналето на Лига Европа, каде со Милан се бори за место меѓу најдобрите четири екипи.
„По средбата со Даниеле Де Роси, можеме да кажеме дека ќе остане со нас и следната сезона. Тој донесе позитивни промени и сакаме да продолжиме по тој пат“, изјавија газдите на Рома, Американците Ден и Рајан Фридкин.
Спорт
Судиите во Украина пред натпревар ќе одат на полиграф
Легендарниот украински фудбалер Андриј Шевченко воведува неверојатно правило во тамошниот фудбал. Судиите ќе мора да поминат на полиграф пред натпреварите. Судиите ќе бидат избрани по случаен избор, а целта на овој проект во украинскиот фудбал е да се стави крај на местењето натпревари.
Оваа информација ја пренесува италијанскиот весник „Кориере дела сера“, со образложение дека идејата на Шевченко има за цел „да ја намали корупцијата во фудбалот и да спречи местење натпревари“.
Судиите ќе мора да поминат тестирање пред натпреварите. Нешто слично како случајните допинг тестови за фудбалерите, кои се прават по натпреварите.
„Го гледаме полиграфот како шанса да добиеме повеќе информации и да разбереме кои судии можат да се справат со оваа работа, а кои не. Почнуваме од нула“, рече Шевченко, поранешен напаѓач на Милан, Челзи и Динамо Киев.