Легендата на хрватската кошарка, Дино Раџа ги прокоментира игрите на словенечкиот кошаркарски ас, Лука Дончиќ во НБА лигата.

„Знаев дека ќе биде добар, но не толку рано. Ова момче рано покажа дека е многу зрел. Неверојатно е талентиран, многу работи, има добри чекори затоа што прво играше за јуниорите на Реал Мадрид, па за сениорите, освојуваше трофеи. Не очекував дека толку добро ќе одигра во неговата прва сезона“ нагласи Раџа.

Хрватот го спореди Дончиќ до екс-српскиот кошаркар, Дејан Бодирога.

„Ме потсетува на Бодирога. Тој беше играч со големи мади.а и неверојатен талент“ нагласи Раџа.

Прославениот кошаркар истакнува дека НБА лигата сега е поинаква за разлика од времето кога тој отиде да го оствари својот „американски сон“.

„Беше тешко кога ние доаѓавме во лигата. Кога Лука дојде во Далас му ги дадоа клучевите од градот, мене ми дадоа дресови да однесам на перење. Дивац, Сабонис, Дражен, Тони и јас бевме пионери и тешко е да се разгази патот“ вели Раџа.

Португалскиот фудбалски клуб Бенфика денеска објави дека има дури 17 заразени со коронавирусот во клубот, што играчи, што членови од стручниот штаб, но и клупски работници.

Од клубот напоменаа дека се консултирале со локалното Министерство за здравство во врска со тоа како да постапат во интерес на здравјето на играчите. Основното прашање е дали клубот треба да игра мечеви во следните две недели или и здравите играчи треба да одат во изолација.

Бенфика во моментов е третопласирана во португалскиот шампионат со 32 бода, колку има и второпласираниот Порто. Лидер на табелата е Спортинг Лисабон со 36 бода.

Бенфика утре треба да игра полуфинале во Лига купот против Брага.

Тренерот на Реал Мадрид, Зинедин Зидан, во пресерт на куп натпреварот со Алкојан, одговарал на новинарски прашња, меѓу кои најбројни биле оние поврзани со Лука Јовиќ.

Српскиот репрезентативец по 18 месеци се пресели на позајмица во поранешниот клуб Ајнтрахт и веднаш блесна на дебито. Тој постигна два гола во победата на Анјтрахт над Шалке од 3:1. жжЈовиќ за 32 минути во дресот на Ајнтрахт постигна два гола, учинок кој го имаше во Реал но на 32 натпревари.

„Секогаш прв вината ја барам кај себе…Лесно е да се каже дека тренерот е виновен. Мадрид е тежок, тоа го вкусив како играч. Постојат моменти кога фудбалерите мора да докажат дека се достојни да играат во Реал, а постојат и фудбалери кои тоа го покажуваат дури откако ќе заминат на позајмица. Таков е случајот со Лука, јас сум среќен што го купивме. Ги сакам сите мои играчи, среќен сум што ги имам. Јовиќ има иднина и може да биде во Реал, тоа важи за секој наш играч“, рекол Зидан и дополнил.

„Сепак, немојте да заборавите дека не е исто да се настапува за Реал и за некој друг клуб. Во Реал постои силна конкуренција, тоа секогаш е така, а за тоа не е виновен тренерот“.