Спорт
Плишкова преку Халеп до полуфинале против Барти
Каролина Плишкова на крајот имаше повеќе нерви за да ја совлада Симона Халеп со 6:0/2:6/6:4 во последниот меч по групи на ВТА финалето во Шенжен и да постави полуфинале против светската тенисерка број 1, Ешли Барти.
Плишкова покажа апсолутна доминација во првиот сет против шампионката од Вимблдон, освојувајќи го за само 20 минути, но Халеп, како и секогаш, не се предаде и направи брејк во првиот гем од вториот сет за да израмни. 28-годишната Романка потоа ја презеде контролата и поведе со 2:0, но Плишкова успеа да се врати и да направи два брејка за 5:3 водство. Тука не беше крајот, откако Халеп направи уште еден брејк за 5:4, пред Плишкова конечно да го реши мечот.
„Беше навистина чудно – прво водев со сет, потоа губев со сет и брејк и на крајот бев среќна што успеав да ја победам. Имав среќа“, вели Плишкова.
Претходно, актуелната шампионка, Елина Свитолина го потврди своето место во полуфиналето со 7:5/7:6(10) победа над замената Софија Кенин, за да обезбеди дуел со Швајцарката Белинда Бенчич во полуфиналето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.