Спорт
Почетино се жали: Не е фер што Ајакс имаат повеќе време за одмор
Менаџерот на Тотенхем, Маурисио Почетино вели дека Ајакс ќе има не-фер предност пред нивната пресметка во полуфиналето на Лигата на шампионите, откако холандската лига Ередивизие им даде цела недела одмор со одложување на мечевите.
Ајакс требаше да играат со Де Графшап во неделата, но откако ги елиминираа Реал Мадрид и Јувентус за пласман во полуфиналето, а правилата во Ередивизие велат дека мора да има два дена одмор меѓу мечевите (а дуелот со Тотенхем се игра во вторник), лигата реши да го презакаже цело коло, бидејќи овој викенд има национален празник во Холандија. Со ова Ајакс има цела недела пауза по последниот меч против Витесе пред дуелот во Лондон во вторник, додека Тотенхем утре играат со Вест хем.
„Сфаќам дека Премиер лигата и Фудбалската асоцијација (ФА) се обидоа да помогнат, но Премиер лигата е поинаква од холандската лига и реалноста е таа – тие нема да играат, ние ќе играме. Тоа не е фер“, вели Почетино.
Тотенхем се во тешка битка за да освојат топ 4 пласман во лигата бидејќи се трети во Премиер лигата со три поени пред Челси и четири пред Арсенал со три меча до крајот на сезоната.
Цело коло во Холандија одложено за Ајакс да има време да се подготви!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.