Спорт
Почетино за врската со Јунајтед: Па, не сум дете!
Тренерот на Пари Сен-Жермен, Маурисио Почетино вели дека е посветен на својата работа, откако англиските медиуми веќе го прогласија како наследник на Оле Гунар Солскјер на клупата на Манчестер јунајтед.
Почетино е фаворит на обложувалниците за клупата на „Олд Трафорд“ откако шпекулациите велеа дека несреќен во Париз, а дека неговиот сегашен тим веќе го контактирал Зинедин Зидан да биде негов наследник. Но, Аргентинецот, кој денеска пристигна во Манчестер за мечот со Сити во ЛШ, вели дека е фокусиран на својата работа и дека има повеќе од една година од неговиот договор со ПСЖ.
„Среќен сум во Париз, го знам градот добро како играч и тренер, и секогаш сум живеел во ваква ситуација. Работите се случуваат кои се надвор од мојата одговорност. Ако ме прашате ќе ви кажам дека сум среќен во Париз. Фокусиран сум на фудбалот. Не сум дете. Цел мој живот го поминав играјќи фудбал, а сега сум тренер. Ние сме во бизнис каде што секогаш има шпекулации и го сфаќам целосно тоа. Но, не смеам да дозовлам да ми пречи. Шпекулациите се тука и морам да живеам со тоа. Мислам дека бев јасен – имам договор до 2023, тоа е оваа сезона и следната. Тоа е факт. Не е за дебата. Среќен сум во Париз“, изјави Почетино.
? "I am focused, I am not a kid, I am not a child. I spend my whole life playing football, we are in a business where rumours are there."
Mauricio Pochettino insists he is focused on PSG with rumours linking him to the vacant Man United job pic.twitter.com/YuglkPhRnF
— Football Daily (@footballdaily) November 23, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.