Голманот на Еибар, Марко Дмитровиќ, со постигнатиот гол од пенал, влезе во историјата на шпанскиот фудбал. Тој е првиот голман што постигнал гол од пенал по пауза од 19 години.

„Марко мораше да шутира, бидејќи останатите потфрлија. Моравме да смениме нешто“, рекол тренерот Хосе Луис Мендилибар, алудирајќи на фактот дека играчите на Еибар (Еспизито и Серхи Енрич) не ги искористија последните два пенали во првенството.

„Дмитровиќ ќе шутира додека не промаши. Такви се фудбалските закони. На тренинзите шутира одлично, бевме сигурни дека ќе постигне гол“, дополнил Мендилибар, иако на теренот не можеше да го гледа изведувањето на пеналот.

Инаку, Марко Дмитровиќ, изма договор со Еибар до крајот на сезоната. Шпанските медуми тврдат дека тој веќе има договор со Севилја.

Организаторот на АТП-купот, синоќа во Мелбурн, ги одреди групите за годинешното издание на овој турнир. Бранителот на трофејот, репрезентацијата на Србија, во групата А ќе игра против Германија и Канада.

Србите ќе ги предводи Новак Ѓоковиќ, во тимот уште се и Душан Лајовиќ, Филип Крајиновиќ и Душан Чачиќ. За Германија ќе играат Александар Зверев и Јан-Ленард Штруф, додека Канада ќе ја предводат Милош Раониќ и Денис Шаповалов.

Шпанија, Грција и домаќинот Австралија се во Б-групата, во Ц-групата се сместени Австрија, Италија и Франција, а во Д-групата се Русија, Аргентина и Јапонија.

Во фазата по групи ќе се игра по системот секој со секого, се играат два меча во сингл и еден во дубл. Победниците на групите ќе изборат пласман во полу=финалето.

АТП-купот ќе се одржи во Мелбурн од 1. до 5.февруари.

The world's best are ready 💪

This Is Tennis. That Means The World. #ATPCup pic.twitter.com/sIQlERcW3z

— ATPCup (@ATPCup) January 22, 2021

Три натпревари се одиграа изминатата ноќ во НБА лигата. Бербиот го одиграа ЛА Лејкерс и Милвоки Бакс. Победата им припадна на актуелните шампиони со 113:106.

Дербито го обележа Леброн Џејмс со 34 поени, 6 скока и 8 асистенции, тој погоди шест тројки од десет обиди. Џејмс, го одби налетот на Бакс, кои во финишот им се доближија на Лејкерси на 102:100. На спротивната страна се истакна Јанис Адетокумбо со 25 поени и 12 скокови.



Њујорк Никс слева победа над Голден стејт Вориорс 119:104. Блескаше кај Вориорс Стеф Кари со 30 поени. Неговиот учинок го поништија Берет со 28 поени и Рендл со 16 поени и 17 скокови.

Јута Џез ги победија Њу Орлеанс Пеликанс со 129:118. Џезерите ја запишаа седмата победа во низа, со која се искачија на второто место во лигата.

Брилијантен мел за Јута одигра Донован Мичел, тој постигна 36 поени. Двоцифрени кај џезерите беа уште и Мајк Конли (20), Џордан Кларксон (19) и Бојан Богдановиќ (16).