Дождот не дозволи да има квалификации во Мото ГП

Обилните врнежи од дожд го откажаа тренингот и квалификациите на стартот на сезоната во Мото ГП, на патеката „Лосаил“ во Доха.

Организаторите на првата трка во новата сезона два часа го одложуваа почетокот на тренингот, но на патеката имаше премногу вода дури и за пневматиите кои се користат кога патеката е влажна.

На крајот организаторот реши квалификациите да не се возат, а за пол позицијата да се сметаат резултатите кои возачите ги постигнаа на слободните тренинзи во четвртокот и петокот.

Според тоа деби трката во тимот на Јамаха од пол позицијата ќе ја започне Маверик Вињалес, а, а заедно со него од првиот ред ќе стартуваат Андреа Јаноне на Сузуки и актуелниот шампион Макр Маркез на Репсол Хонда.

Најтрофејниот во оваа конкуренција Валентино Роси со својата Јамаха ќе стартува од десеттото место, а Хорхе Лоренци кој од оваа сезона вози за Дукати ќе стартува како 12-ти.

Трката во Доха е закажана за в недела од 20 часот по средноевропско време, но можни се поместувања доколку временските услови не бидат добри. крај/мф/нц