Спорт
Поради расистичките коментари на сопругата Катаи ќе добие отказ во ЛА Галакси
Александар Катаи, играч на Лос Анџелес Галакси, може да добие отказ во клубот поради расиситичките коментари на неговата сопруга Теа.
Во САД девет дена траат протестите поради убиството на Џорџ Флојд. Флојд е убиен во Минеаполис од страна на полицаец.
Поради тоа луѓето протестираат во голем број на градови во САД. Протестите често се насилни, демонстрантите вршат грабежи по продавниците и влегуваат со судири полицијата.
На „Инстаграм“ Теа Катаи напишала: „Убиј ги го….а“ и „Важни се Најки патиките“ (алудирајќи дека луѓето ограбуваат продавници).
Поради нејзините коментари се огласија нејзиниот сопруг и фудбалскиот клуб Лос Анџелес Галакси.
„Објавите на социјалните мрежи се неприфатливи. Не делам таткви погеди кон светот, тоа не се толерира во моето семејство. Го осудувам расизмот, насилството против луѓето со поинаква боја на кожата. Ова е грешка на моето семејство и ја преземам одговорноста. Ќе се погрижам јас и моето семејство да преземемем важни чекори за да научиме да ја разбереме и слушнеме црномурната заедница. Јасно ми е дека ќе треба да помине некое време за повторно да ја заслужам довербата на луѓето од Лос Анџелес. Подготвен сум да научам од овие грешки, подготвен сум напорно да работам и да станам подобар сојузник и застапник во борбата за еднаквост. Жалам поради болката која му е нанесена на Лос Анџелес и на сите кои се борат против расизмот“, рекол Катаи.
Во соопштението на Лос Анџелес Галакси се наведува.
„Дознавме за серијата на расистички испадни и навреди што ги имаше Теа Катаи на социјалните мрежи. ЛА Глакси ги осудува ваквите објави, побаравме тие да бидат тргнати. ЛА Галакси е против расизмот, во четврток имаме состанок со Александар Катаи ќе видиме како ќе продолжиме понатаму“.
Според медиумите ова соопштение на клубот може да значи дека Катаи ќе добие отказ во ЛА Галакси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.