Спорт
Поразот на Серена на Ју-ес опен, најгледан меч во историјата на „ESPN“
Поразот од Серена Вилијамс на Ју-ес опен во петокот, во веројатно последниот меч во нејзината блескава кариера, бил најгледаниот тениски телевизиски пренос во 43. годишната историја на телевизиската мрежа „ESPN“.
Поразот на Серена Вилијамс, во третото коло, од Хрватката со австралиски пасош Ајла Томљановиќ на стадионот „Артур Еш“ во Њујорк, во просек го гледале 4,8 милиони гледачи. Максималната гледаност од 6,9 милиони овој меч имал во 22:15 часот.
Победничката на 23. Грен слем турнири во сингл, остави голема трага во тенисот и нејзиното заминување од натпреварувачкиот тенис предизвика бројни реакции од светот на познатите.
Нејзините три натпревари в о сингл и мечот што го одигра во дубл со постарата сестра Венус ја зголемиле гледаноста во првите пет дена од турнирот до просечни 1,1 милион гледачи, што е за 101 отсто повеќе од 2021 година, објави „ESPN“.
„Ова се најгледаните први пет дена од Ју-ес опен досега на мрежите на ЕСПН“, се вели во соопштението на оваа телевизиска мрежа.
Портпаролот на мрежата, чиј список на тениски аналитичари ги вклучува поранешните светски рекети број 1, Крис Еверт, Џон Мекинро и Каролин Вознијацки, минатата недела изјави дека „ESPN“ би бил среќен да разговара со Серена Вилијамс таа да стане коментатор доколку сака да оди по тој пат откако и официјално ќе се пензионира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитров го растури Алкараз во Мајами
Григор Димитров го победи Карлос Алкараз со 6:2, 6:4 во четвртфиналето на Мастерсот во Мајами. Ова беше петти меѓусебен дуел на Бугаринот и Шпанецот и втора победа по ред за Димитров.
„Направи да се чувствувам како да имам 13 години“ – го опиша Карлос Алкараз поразот од Бугаринот
„Не се сеќавам некој да ме натерал да се чувствувам вака. Вакво нешто одамна не ми се случило. Не знаев што да правам. Барав решенија, но тој не ми даде. Почувствував неверојатна фрустрација.“
А 32-годишниот Димитров навистина одигра перфектно. Мечот го заврши со 24 винери.
„Генијалноста е често во едноставноста. Знаев дека морам да бидам поагресивен, да ги водам поените. Против него е многу тешко да се направи тоа“ – објасни Бугаринот како го победи шампионот на Индијан Велс.
Можеше и побрзо да победи бидејќи водеше со 4:1 во вториот сет, но потоа Алкараз успеа да врати еден брејк, но не успеа да се врати во мечот.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.